Լոռվա մարզն է վտանգվում՝ դառնալով սահմանամերձ. Գառնիկ Դանիելյան

ԱԺ «Հայաստան» խմբակցության պատգամավոր ԳԱՌՆԻԿ ԴԱՆԻԵԼՅԱՆԻ գնահատմամբ` Հայաստանի գործող իշխանությունը պատրաստվում է բավարարել Ադրբեջանի բոլոր պահանջները եւ փուլ առ փուլ հանձնել հայկական գյուղերը, այդ թվում՝ Տիգրանաշենը:

— Նախ ասեմ, որ Հայաստանից Վրաստան գնացող ճանապարհը հինգ կետով հատում ունի այդ տարածքների հետ։ Դրանք Ոսկեպարի եւ Կիրանցի հատվածում են։ Երկրորդ` 90-ական թվականներից Տավուշի մարզում ձեւավորվել է պաշտպանական գիծ, որը մեզ թույլ է տվել հաղթանակ տանել։ Այդ գերիշխող դիրքերը հիմա անցնելու են Ադրբեջանի վերահսկողության տակ: 2020 թվականի պատերազմից հետո ադրբեջանական կողմը Տավուշի ուղղությամբ հարձակում չի իրականացրել` մի պարզ պատճառով, որովհետեւ տարիներ շարունակ այնտեղ ամրաշինական աշխատանքներ են իրականացվել։ Այսինքն, այդ ամբողջ պաշտպանական գիծն անցնելու է Ադրբեջանին եւ Հայաստանի հյուսիսային պաշտպանական գիծն ամբողջությամբ կազմաքանդվելու է: Հաջորդը, որ հայ հանրությունը պետք է իմանա, Ռուսաստանից Հայաստան մտնող գազամուղն է, որ անցնում է այդ տարածքով, եւ որը դավաճանների քայլերի հետեւանքով անցնելու է թշնամու վերահսկողության տակ։ Այս ամենի հետեւանքով` նաեւ Լոռվա մարզն է վտանգվում՝ դառնալով սահմանամերձ։

Այս թեմայով «Ուժեղ Հայաստան» կուսակցության Շիրակի գրասենյակներում խուզարկություններ են ընթանում Գալիս են իշխանության, որ ի՞նչ անեն Բա մի օր վեր կացեք, ասեք՝ Ալի՛և, գլուխդ պա՛տով ես տալիս, որևէ թթու խոսք նրան չեք ասում․ Խաչատրյան Եվրոպական դեսանտն ու հայաստանյան ապագան. Հայկ Բաբուխանյան «Ամո'թ, ամո'թ». ԵՄ գագաթնաժողովի հայ մասնակիցները չմոտեցան ՄՀՀ-ի դիմաց ակցիա իրականացնողներին