300 մարզիկ ու ծնող մասնակցեց այս ուսումնամարցական հավաքին

Ծաղկաձորում և Աղվերանում, Հայաստանի ավանդական Կարատե - դո ֆեդերացիայի նախագահ Սուրեն Մաթևոսյանի նախաձեռնությամբ կազմակերպված արդեն ավանդական դարձած ուսումնամարզական հավաքը, այս անգամ առանձնացել է իր մասնակիցների ռեկորդային թվով։ 5-15 տարեկան մարզիկների հետ հավաքին մասնակցել են նաև բազմաթիվ ծնողներ։

Iravunk. com - ի մարզական թղթակցի հետ զրույցում, Ավանդական Կարատե ֊դո ֆեդերացիայի ղեկավարող խորհրդի անդամ, Աշխարհի, Եվրոպայի չեմպիոն, Աշխարհի կրկնակի գավաթակիր, միջազգային կարգի սպորտի վարպետ ՆԱՐԵԿ ԻՍԿԱՆԴԱՐՅԱՆԸ, այսպես մեկնաբանեց.

«10-րդ տարին լրացավ արդեն, ինչ ուսումնամարզական հավաքներ ենք կազմակերպում, նպատակը մեկն է, մարզիկներին հավաքել մի տեղ, որտեղ կանցկացնենք մարզումներ, կլինեն շփումներ մարզիկների, մարզիչների ու ծնողների միջև։ Քանի որ միշտ գտնվում ենք ակտիվ մարզումային գործընթացի մեջ, բարդ է լինում շատ շփվել երեխաների և ծնողների հետ, բայց մեզ համար շատ կարևոր է ծնող ֊մարզիկ ֊մարզիչ կապը։ Այսպիսի ուսումնամարզական հավաքներն ուժեղացնում են մարզիկի ֆիզիկական և մտավոր կարողությունները, ինչպես նաև ընդլայնում են գիտելիքները ընտրված մարզաձևի վերաբերյալ։ Հավաքների ժամանակ համատեղում ենք սպորտը, հանգիստը ու ժամանցը։ Սա նաև շատ լավ հնարավորություն է նոր գիտելիքների ու փորձի փոխանակման, մարզիչների հետ կապի զարգացման, հաղորդակցության, ընկերական շրջապատում ճիշտ դրսևորման, հոգատարության ու հարգանքի ձևավորման համար։ Մարզիկները դառնում են ավելի ինքնուրույն, պատասխանատու և կարգապահ։ Հավաքների ընթացքում մանրամասն զբաղվում ենք պատանի կարատեիստների տեխնիկական ու ֆիզիկական վարժությունների զարգացմամբ, ինչպես նաև բացօթյա մարզումներ ենք անցկացնում, կազմակերպում ենք այլ միջոցառումներ, ինտելեկտուալ և զարգացնող խաղեր, որոնք նպաստում են նաև երեխաների մտավոր զարգացմանը, տրվում են նաև գիտելիքներ Կարատե մարտարվեստից։

Ընդհանուր առմամբ, 300 մարզիկ ու ծնող մասնակցեց այս ուսումնամարցական հավաքին։ Այս տարի նախատեսված են մի շարք հավաքներ 15 տարեկանից բարձր կարատեիստների համար»։

ՀՈՎՀԱՆՆԵՍ ՍԱՐԳՍՅԱՆ