Մինչեւ լուսաբաց դեռ քանի՞ անգամ է ռուս համայնքը ներկայացնող Սանդիկովն ուրանալու ռուսներին

ՀՀ Ազգային ժողովում ռուսական համայնքը ներկայացնող պատգամավոր ԱԼԵՔՍԵՅ ՍԱՆԴԻԿՈՎԸ, որն իշխող «Քաղաքացիական պայմանագիր» խմբակցությունից է, այդպես էլ ծպտուն անգամ չհանեց, երբ երեւանյան փողոցներում հակառուսական ակցիաներ էին իրականացվում «Ռուսաստան թշնամի» լոզունգներով, նա լռեց, երբ «Պաշարված Լենինգրադի երեխաներին» հուշարձանի մոտ տեղի ունեցավ խայտառակ սադրանք, եւ հիմա էլ անցել է ընդհատակ, երբ ռուս սահմանապահներին «Զվարթնոց» օդանավակայանից դուրս է հրավիրում այն իշխանությունը, որի մասնիկն է: Բայց, ահա, պարզվում է՝ Ռուսաստանի Դաշնության Սոչի քաղաքում օրերս կայացած համաշխարհային երիտասարդական ֆորումին հայտնվել էր ընտանյոք հանդերձ:

Թերեւս, ինչ-որ բան խառնել է պատգամավորը, ի վերջո, նա մանդատ ստացել է՝ որպես համայնքի ներկայացուցիչ, որպեսզի պաշտպանի ՀՀ-ում ռուսական համայնքի շահերը, այլ ոչ թե Սոչիում վոյաժների մեջ լինի, իսկ Հայաստանում՝ հակառուսական քաղաքականության մաս կազմի: Ընդ որում՝ նրա Սոչի գործուղվելու մասին Ազգային ժողովի պաշտոնական կայքում խոսք անգամ չկա, թե ինչով է զբաղված եղել վերջինս եւ առհասարակ՝ արդյոք որպես պատգամավոր էր հայտնվել այնտեղ: Միայն հայտնի է այն, որ Նիկոլ Փաշինյանի ահից, երբ փառատոնի շրջանակում տեղի ունեցած հանդիպումներից մեկի ժամանակ «Ռուսաստանն այսօր» մեդիախմբի եւ RT-ի գլխավոր խմբագիր ՄԱՐԳԱՐԻՏԱ ՍԻՄՈՆՅԱՆԸ ասել էր, որ` «Փաշինյանը հայ ժողովրդի դավաճանն է եւ տանում է Հայաստանն ամբողջովին ոչնչացման: Եթե նա շարունակի մնալ իշխանության եւ հայ հասարակությունը շարունակի աջակցել նրան, Հայաստանն ընդհանրապես չի լինի 5 տարվա ընթացքում, ինչպես չկա Ղարաբաղն այնպիսին, ինչպիսի տեսքով որ պետք էր Հայաստանին», Սանդիկովը փառատոնի կեսից գլխապատառ հետ է վերադարձել Հայաստան:

ՀՐԱՆՏ ՍԱՐԱՖՅԱՆ

Այս թեմայով Բա մի օր վեր կացեք, ասեք՝ Ալի՛և, գլուխդ պա՛տով ես տալիս, որևէ թթու խոսք նրան չեք ասում․ Խաչատրյան Կիրանցի եկեղեցում Նիկոլ Փաշինյանին ուղեկցում է պատգամավոր Գեղամ Նազարյանը․ Լուսանկարներ Եվրոպական կառույցները Նիկոլին գերադասում են իրենց արժեքներից. Աննա Մկրտչյան Այս անգամ ՌԴ նախագահ Վլադիմիր Պուտինը նրան ասաց՝ քուանշ Նիկոլ Վովայեվիչ․ Աղազարյանը հայ-ռուսական հարաբերությունների մասին Ադրբեջանական ինքնաթիռը վայրէջք կատարեց Երեւանում