Զանգվածային անկարգություն հրահրում է հենց ինքը` Նիկոլ Փաշինյանը եւ իշխանության մյուս անդամները. Կարապետյան

Մինչ Երեւանի քաղաքապետ Տիգրան Ավինյանն ազդարարում է, որ կանանց միամսյակի առթիվ մարտի 8-ին գեղեցիկ սեռի ներկայացուցիչների համար տրանսպորտը լինելու է անվճար, մյուս կողմից օրվա իշխանությունը դատում է նոր մայրացած քաղաքագետ ԱՆԻ ԿԱՐԱՊԵՏՅԱՆԻՆ: Երեւանի Շենգավիթ վարչական շրջանի ընդհանուր իրավասության դատարանում երեկ կայացավ նրա դեմ հարուցված քրեական գործի դատական նիստը: Հիշեցնենք, որ Ա. Կարապետյանը մեղադրվում է ՀՀ Քր. օրենսգրքի 328-րդ հոդվածի 3-րդ մասի 3-րդ կետով եւ 329-րդ հոդվածի 2-րդ մասի 3-րդ կետով՝ ատելության քարոզ: Ըստ Քննչական կոմիտեի` կառավարության շենքի դիմաց 2023թ. սեպտեմբերի 19-ին տեղի ունեցած հավաքի վերաբերյալ Անի Կարապետյան անվամբ ֆեյսբուքյան օգտատիրոջ կողմից իր էջում գրառումներ են կատարվել, որոնք առերեւույթ պարունակում են բռնություն գործադրելու հրապարակային կոչեր։ Տեւական լռությունից հետո մեզ հետ զրույցում Ա. Կարապետյանը փակագծեր բացեց:

— Նախ ասեմ, որ իմ դեմ առաջադրված մեղադրանքը չեմ ընդունում: Արդեն վեց տարի է` զանգվածային անկարգություն հրահրում է հենց ինքը` Նիկոլ Փաշինյանը, եւ իշխանության մյուս անդամները: Մի քանի դեպք հիշատակեմ. Նիկոլ Փաշինյանն իր նախընտրական քարոզարշավի ժամանակ սեռական բնույթի սպառնալիքներ էր հնչեցնում ընդդիմադիրների հասցեին, իսկ իր կուսակցության կին ավագանու անդամը սպառնում էր ծամել ընդդիմադիրների ականջները: Սա առնվազն իշխող քաղաքական ուժի ներկայացուցչին հարիր բառամթերք չէ: Ուստի` զանգվածային անկարգությունները, ատելության քարոզն իրենց գործիքակազմն է, իրենք են այդ ամենը ներմուծել հայաստանյան քաղաքական դաշտ: Այնպես որ, ինձ նման մեղադրանք առաջադրելը հերթական փորձն է` ընդդիմախոսներին լռեցնելու: Բոլորս գիտենք, որ նման մեղադրանքներով ես միայնակ չեմ, նաեւ իմ ընդդիմադիր գործընկերներն ունեն մեղադրյալի կարգավիճակ: Կարծում եմ` ժամանակն ամեն ինչ կգցի իր տեղը:

— Դուք նոր եք ունեցել Ձեր փոքրիկին եւ, փաստորեն, նույնիսկ այդ կարգավիճակում վեց ամիս առաջ Ձեր կատարած մի գրառման համար փորձում են Ձեզ նստեցնե՞լ:

— Չեմ ցանկանում շահարկել իմ մայր լինելու փաստը: Ես փոքրոգի չեմ, եւ իմ քայլերն էլ, բնականաբար, գիտակցված են եղել: Վեց տարի չէ, որ ընդդիմադիր եմ, այլ ընդդիմադիր եմ եղել իմ ողջ գիտակցական կյանքում: Ես մինչեւ այս դեպքն ինձ թույլ չեմ տվել որեւիցե մի ոչ պատշաճ արտահայտություն, որը հարիր չէ քաղաքական, հասարակական գործչին: Նախկինում ոչ մի ղեկավար իրեն թույլ չի տվել  ընդդիմադիրների հետ խոսել այնպես, ինչպես հարբած խոսում է Նիկոլ Փաշինյանը:

ՀՐԱՆՏ ՍԱՐԱՖՅԱՆ

Այս թեմայով Դատարանը կուսումնասիրի՝ ինչքան սունկ է կերել և որ պահերին. Նարեկ Կարապետյանը շարունակեց սնկի թեման «Ժողովուրդ». Ինչպես կսկսեն քաղաքական ուժերն իրենց արդեն փաստացի սկսված քարոզարշավը Ալիևն այսօր տեսակապի միջոցով կմիանա Երևանում ընթացող Եվրոպական քաղաքական համայնքի ութերորդ գագաթնաժողովին Մակրոնը ժամանեց Երեւան Ովքեր են արդեն Հայաստան ժամանել Եվրոպական քաղաքական համայնքի 8-րդ գագաթնաժողովին մասնակցելու նպատակով