ՄԻՊ-ի կողմից գրությունններ են հասցեագրվել ՀՀ գլխավոր դատախազություն և ՀՀ ՆԳՆ ՝ լրագրողի դեմ սպանության կոչեր հնչեցրած շրջանակի հետ կապված

«Համացանցում՝ «Հրատապ. Հնչել են սպառնալիքներ Գայանե Զարգարյանի հասցեին» վերտառությամբ տեսանյութի հրապարակումից հետո Մարդու իրավունքների պաշտպանի հանձնարարությամբ աշխատակազմում սկսվել է ուսումնասիրություն: Տեսանյութում նշված հանգամանքների կապակցությամբ անհրաժեշտ միջոցներ ձեռնարկելու և մանրամասն պարզաբանումներ ներկայացնելու պահանջով համապատասխան գրություններ են հասցեագրվել ՀՀ գլխավոր դատախազություն և ՀՀ ներքին գործերի նախարարություն։ Մարդու իրավունքների պաշտպանն իր հրապարակային ելույթներում մշտապես է ընդգծում, որ կարևորում է պետության կողմից բնականոն և անխոչընդոտ լրատվական գործունեության ապահովումը: Իրենց մասնագիտական գործունեությունն իրականացնելիս կամ դրանով պայմանավորված՝ լրագրողների թիրախավորման դեպքերն անթույլատրելի են, իսկ իրավասու մարմինները պետք է պատշաճ քննարկման առարկա դարձնեն ցանկացած դեպք, որը կարող է վկայել լրագրողի մասնագիտական գործունեությանը խոչընդոտելու մասին: Պաշտպանը կարևորում է պետության կողմից մամուլի ազատության երաշխավորման ուղղությամբ այնպիսի քայլերի ձեռնարկումը, որոնք կապահովեն լրագրողների անվտանգությունն ու բնականոն լրատվական գործունեության համար բարենպաստ միջավայրի ձևավորումն ու պահպանումը»,-«Իրավունք»-ի հետ զրույցում անդրադառնալով մեր գործընկեր, Newsmedia.am էլ. օրաթերթի հիմնադիր-ղեկավար Գայանե Զարգարյանի նկատմամբ հրեշավոր ու անառակաբարո նախաձեռնության, այս դեպքում՝ «Հանրային Ձայն» կուսակցության ներկայացուցիչ Արտակ Գալստյանին պատկանող «Արժեհամակարգ» էջերի կողմից իրականացվող արշավին, իր դիրքորոշումը ներկայացրեց Մարդու Իրավունքների Պաշտպանի գրասենյակը: 

Հիշեցնենք, որ շուրջ մեկ ամիս է, ինչ այդ անառակաբարո էջերի կողմից ապօրինաբար տարածվում են հետաքննող լրագրող Գայանե Զարգարյանի լուսանկարները, զուգահեռաբար տարածելով լկտի, զրպարտիչ հերյուրանքներ ու անգամ սպառնալիքներ, հնչեցնելով ընդհուպ սպանության կոչեր՝ նպատակ ունենալով ֆիզիկական հաշվեհարդարի ֆրոնտ բացել մեր գործընկերոջ նկատմամբ:

Մեր գործընկերոջ հասցեին հնչող սպառնալիքներին արձագանքել եւ դատապարտել էին մամուլի կայացման ակունքում կանգնած հեղինակավոր անձիք, այդ թվում ՀՀ առաջին ՄԻՊԸ

Հղումներները ներկայացնում ենք ստորեւ

https://iravunk.com/?p=276934&l=am

https://iravunk.com/?p=277275&l=am

https://iravunk.com/?p=276941&l=am