Հակաեկեղեցական ակցիան տեղի ունեցավ լուռ ու հազիվ 10 հոգով, բայց Ավինյանի բարձր հովանու ներքո

Այն, ինչ հնարավոր եղավ կանխել Էջմիածին քաղաքում՝ հանրային ճնշմամբ, ընդդիմադիր ավագանու հստակ դիրքորոշմամբ եւ քաղաքապետարանի «զադնի» դնելու արդյունքում, տեղի ունեցավ Երեւանում՝ տեղի ավագանու հենց քթի տակ:

Պարզվում է՝ հակաեկեղեցական հայտարարություններ անող, հոգեւորականների հասցեին ապատեղեկատվություն տարածող Անդրանիկ (Թոնի) Դովլաթյանը դեռեւս փետրվարի 16-ին իրազեկում է ներկայացրել Երեւանի քաղաքապետ Տիգրան Ավինյանին, որ փետրվարի 24-ին՝ ժ.14.00-20.00-ն, Ալեքսանդր Մյասնիկյանի արձանի հարակից տարածքում հավաք է անցկացնելու: Այն ընդունվել է ի գիտություն եւ հանրահավաքն էլ արտոնվել: Սա, իհարկե, կարող էր սպրդել շարքային երեւանցու աչքից, իսկ թե ո՞ւր են նայում Երեւանի ավագանում նստած իրենց ընդդիմադիր համարողները, առնվազն հարցեր է ծագում:

Ինչեւէ, վերադառնանք հակաեկեղեցականների անփառունակ հանրահավաքին: Նախ ուշագրավ է, որ Ա. կամ Թ. Դովլաթյանը դիմել է Տիգրան Ավինյանին՝ ներկայանալով, իբրեւ Հայաստանյայց թեմի Հայ Առաքելական եկեղեցու ձեռնադրված դպիր: Այսինքն՝ մեր մայրաքաղաքն այն կարգի որբի գլուխ է դարձել, որ եթե անգամ ինքնակոչ մեկը դիմեր քաղաքապետարանին եւ ասեր, որ ինքը ձեռնադրված Հռոմի պապն է, էլի կթույլատրվեր նրան՝ սրտի ուզած հավաքն անել: Այդուհանդերձ, հատկանշական է, որ թեպետ Դովլաթյանը դիմել էր 100 հոգանոց ու 4 կարգադրիչով հավաք անցկացնելու համար, բայց հազիվ 10 հոգու ներկայություն էր ապահովել: Իսկ իրենից առաջ դեպքի վայրում ցցել էին մեծ դինամիկներ: Ի պատիվ ոստիկանության՝ այդ դինամիկներն, իհարկե, հեռացվեցին, քանի որ իրազեկման մեջ նշված էր միայն, որ պետք է լինի «բլութութ բարձրախոս»: Իսկ ելույթներ չեղան ընդհանրապես՝ ո՞ւմ համար, եթե կողմնակիցներ չկային, միայն ոստիկաններն էին եւ մի քանի մարդ, ովքեր ուղղակի սպասում էին, որ բերանները բացեն եւ այն ունենար իրենց համար ծանր հետեւանքներ: Այսպիսով՝ դեռ նախանշված ժամը չլրացած՝ հակաեկեղեցականները քոռ ու փոշման հեռացան:

Իսկ ո՞ւր էին Հայ Առաքելական եկեղեցու աջակիցները, վերջապես՝ ընդդիմությունը.... Ըըըըըը.... նրանք Մայր Աթոռում էին՝ արձանագրելու, որ պաշտպանեցին եկեղեցուն, բայց ումի՞ց, այդպես էլ ոմանք նույնիսկ չիմացան: Եվ միայն քաղաքացի ԱՐՄԻՆԵ ՍՆԴՈՅԱՆՆ էր, որ Դովլաթյանի հենց երեսին շխկացրեց, որ նա զբաղված է զրպարտությամբ եւ նաեւ հերթով պայթեցրեց այդ անձի բոլոր ստերը:

ՀՐԱՆՏ ՍԱՐԱՖՅԱՆ

Այս թեմայով Ուղղորդված ենք եղել Վազգեն Սարգսյանի կողմից, որպեսզի ներկայիս կաթողիկոսին ընտրենք. Ալբերտ Բազեյան «Կուռաժիտ» լինող քաղաքապետը. ԶԱՐՄԱՆՔ «Իրավունք». Ավինյանենք ԱԺ ընտրություններին կգործեն ընդդեմ Նիկոլի՞ Աջափնյակի մետրոյի կայարանի գումարներն ուղղվել են 45 տրոլեյբուսների գնմանը. Տիգրան Ավինյան «Էրդողանի հրահանգով հաջորդը Արմենակ Դանիելյանն է», «Մի հատ չափավոր խոսեք», «Լավ', հանգի'ստ»