«Թատրոն կայարանի» «Պույ-պույ մկնիկը» հասավ Հրազդան

«Թատրոն Կայարան»-ը փետրվարի 17-ին «Պույ-պույ մկնիկ» երաժշտական ներկայացումով հանդես եկավ Հրազդանի դրամատիկական թատրոնի բեմում, ընդ որում՝ երկու սեանսով:

«Այս տարի մեր հյուրախաղերի մեկնարկը տվեցինք Հրազդանից: Ներկայացումներն անցան լեփ-լեցուն դահլիճով, հանդիսատեսը գոհ հեռացավ: Երեխաները տպավորված էին, չէին դադարում ծափերը եւ ցանկանում էին եւս մեկ անգամ դիտել ներկայացումը: Ի դեպ, սա առաջին անգամը չէր, որ ներկայանում էինք Հրազդանի թատրոնում: Շատ անգամներ ենք եղել այս բեմում եւ միշտ ներկայացումներն անցել են լեփ լեցուն դահլիճում», - ասաց «Թատրոն Կայարան»-ի փոխտնօրեն ԱՆԴՐԱՆԻԿ ՍՈՂՈՄՈՆՅԱՆԸ:

Հրազդանի դրամատիկական թատրոնի տնօրեն ՎԱՀԱԳՆ ՄԱՐԳԱՐՅԱՆԻ գնահատմամբ՝ փոքրիկ հրազդանցիների կողմից սիրված է «Թատրոն կայարան»-ը:

«Կրկին անգամ ուրախ ենք մեր թատրոնում հյուրընկալել «Թատրոն կայարանին», որն արդեն մեր փոքրիկների կողմից սիրված է: Ուրախ ենք համագործակցել «Թատրոն կայարանի» հետ, ինչը լինելու է շարունակական: Նաեւ մենք կհյուրընկալվենք «Թատրոն կայարան»-ում՝ մեր ներկայացումներով: Այնպես որ, փոխադարձ հյուրախաղերը կշարունակենք», - վստահեցրեց Հրազդանի դրամատիկական թատրոնի տնօրենը:

ՀՐԱՆՏ ՍԱՐԱՖՅԱՆ

Այս թեմայով Վահագն Խաչատուրյանին հարցվածների 30%-ը չի ճանաչում, իսկ Փաշինյանի քայլերը հավանում են 31․1%-ը Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Ընդդիմության համախմբումը սատարում ենք, բայց պետք է հասկանանք հաջորդ քայլերը. Նավասարդյան Ընդդիմությունը չկարողացավ նույնիսկ կես քայլ առաջ լինել Նիկոլից․ Վահագն Չախալյանի կոշտ քննադատությունը «Ժողովուրդ». Խորհրդարանում ընդդիմադիրներից ամենաընդդիմադիրը իշխանական Անդրանիկ Քոչարյանն էր