Արթուր Ալեքսանյանը` Եվրոպայի 7-ակի չեմպիոն

Ռումինայի մայրաքաղաք Բուխարեստում ընթացող Եվրոպայի առաջնության եզրափակիչում Օլիմպիական խաղերի ոսկե, արծաթե և բրոնզե մեդալակիր, աշխարհի քառակի չեմպիոն Արթուր Ալեքսանյանը (97 կգ) գոտեմարտեց UWW-ի դրոշի ներքո հանդես եկող ռուս Մագոմեդ Մուրթազալիևի հետ եւ հաղթեց 6-3 հաշվով։ Գյումրեցի մարզիկը 7-րդ անգամ դարձավ հունահռոմեական ոճի ըմբշամարտի Եվրոպայի չեմպիոն։

Ալեքսանհանը պայքարը սկսեց փետրվարի 13-ին և 1/8 եզրափակիչում ժամկետից շուտ 9-1 հաշվով հաղթել թուրք Բեյթուլահ Կայիսդագին, իսկ քառորդ եզրափակիչում 8-3 հաշվով առավելության էր հասել Նիդերլանդների ներկայացուցիչ Տիրոնե Ստերկենբուրգի նկատմամբ։ Կիսաեզրափակիչում հայ ըմբիշը մրցեց UWW-ի դրոշի ներքո հանդես եկող բելառուս Աբուբակար Խասլախանովի դեմ և հաղթեց 5-1 հաշվով:

Հիշեցնենք, որ Հայաստանի թիմն արդեն երկու մեդալ նվաճել է Բուխարեստում։ Մալխաս Ամոյանը (77 կգ) դարձել է Եվրոպայի եռակի չեմպիոն, իսկ Մանվել Խաչատրյանը (55 կգ) արժանացել է բրոնզե մեդալի