«Սպարտակը» քանդում են, տեղը շենք սարքեն. կոռուպցիան սա է. Սուքիասյան

Երեւանի ավագանու «Մայր Հայաստան» խմբակցության ղեկավար ՄԱՆՈՒԿ ՍՈՒՔԻԱՍՅԱՆՆ ահազանգում է, որ այսօր կայանալիք ավագանու նիստում ընդգրկված 16 հարցից 11-ը չզեկուցվող են:

— Սա է կոռուպցիան: 7-ը հողերի նշանակությունը փոխելու մասին է: «Սպարտակը»  քանդեն, տեղը շենք սարքեն, հողերի նշանակություն փոխելը սա է: Դասական կոռուպցիայի օրինակ է նաեւ այն, որ 2023 թ. 30 մլն դրամ փոխանցվել է «Շարմ հոլդինգին»` մեկ անձից կատարվող գնում: Պայմանագրում ասվում է` մինչեւ 30 մլն դրամ վճարել` մինչեւ 10 հոլովակի համար: Նկարահանվել է 5-ը, բայց այդ 30-ն էլ տվել են ու նկարել են սեպտեմբերի 1-ի, Ամանորի վերաբերյալ ինչ-որ հոլովակներ, որոնք Հյուսիսային պողոտայում էկրանների վրա միացրել են: Ուզում ես ասել՝ էդ 30 մլն-ը ձեր տնի՞ց եք բերել, էդ ո՞ւմ եք լավություն անում: Մսխո՞ւմ եք, թե՞ ատկատ կա: