Լինելու են փողոցային անհնազանդություններ, եւ այս անգամ ջահակիրը ՀՀԿ-ն է. Շիրազ Մանուկյան

«Իրավունք TV»-ի տաղավարում զրուցել ենք ՀՀԿ ուսանողական կազմակերպության անդամ ՇԻՐԱԶ ՄԱՆՈՒԿՅԱՆԻ հետ: Նրա գնահատմամբ` այսօրվա ուսանողությունը բացարձակապես չի ընդունում այսօրվա իշխանության գործունեությունը:

— Երբ 90-ականներին հարթակից հնչում էր` «Պայքա՛ր, պայքա՛ր` մինչեւ վերջ», հավաքված ժողովուրդն արձագանքում էր. «Պայքա՛ր, պայքա՛ր` մինչեւ ե՞րբ»: Դուք, լինելով ընդդիմադիր քաղաքական ուժի անդամ, այսօր ունե՞ք այս հարցի պատասխանը: Ե՞րբ է, ի վերջո, ընդդիմության համբերության բաժակը լցվելու, եւ ե՞րբ կլինի կոնկրետ գործուն պայքար` իշխանափոխության օրակարգով:

— Ժամկետների մասին հայտարարություն չանեմ, բայց Հայաստանի Հանրապետական կուսակցությունը հանդես է գալու հայտարարությամբ, որ արդեն լինելու են փողոցային անհնազանդություններ, եւ այս անգամ ջահակիրը ՀՀԿ-ն է: Թող ՀՀ քաղաքացին սպասի, որ լինելու են կոնկրետ գործողություններ, թե ինչպես պետք է հեռացնենք այս իշխանությանը: Եվ` այո, ես չեմ մեղադրում քաղաքացիներին, որ անհամբեր են ու հարց են բարձրացնում, թե` երբ: Ես հասկանում եմ քաղաքացու անհանգիստ վիճակը, որ մեկ ժամ առաջ ուզում է այս իշխանությունը հեռանա, որովհետեւ չի տեսնում ոչ մի հայանպաստ գործունեություն նրանց կողմից:

— Հանրապետականները հաճախ ասում էին, որ Նիկոլ Փաշինյանին ճանապարհելու մեկ հնարավորություն կա, այդ «փամփուշտը» պետք է օգտագործել ճիշտ պահին: Ձեր նշած գործողությունները լինելու են այդ վերջին «փամփո՞ւշտը»:

— Այս տարվա գործողությունները լինելու են` այո՛, վերջին «փամփուշտը», որն այս իշխանության հեռացման միակ ճանապարհն է: Փորձելու ենք անել առավելագույնը, որպեսզի հեռացնենք նրանց, որովհետեւ նրանք այսօր կասկածի տակ են դրել մեր Հայրենիքը, մեր ինքնիշխանությունը, մեր տարածքային ամբողջականությունը եւ առաջին հերթին` հայի լինելիությունը:

ՀՐԱՆՏ ՍԱՐԱՖՅԱՆ

Հ.Գ.- Հարցազրույցն ամբողջությամբ դիտե՛ք տեսանյութում.

Այս թեմայով «Փաստ». Հայազգի գործիչներից ով է դարձել ՌԴ նախագահին կից հանձնաժողովի անդամ Եվրոպական կառույցները Նիկոլին գերադասում են իրենց արժեքներից. Աննա Մկրտչյան Ով է «փուռը» տվել կամանադիրին ՔՊ-ականները թող լոբի աճեցնեն, ոչ թե ասֆալտ փռեն, Ավինյանն ապօրինի հրահանգներ է տալիս վարորդներին Մարդ, ով պիտի հեզության ու բարության օրինակ լիներ, ձեռք է բարձրացնում խոնարհ հոգևոր աստիճան ունեցող սարկավագի վրա. Հայր Հովհաննես