Նա մի խոսք ասաց, որը մինչեւ հիմա ականջներիս մեջ է. մարտական ընկերը՝ Ներքին Հանդում զոհված Արսենի մասին

Փետրվարի 13-ին Ներքին Հանդի հատվածում տեղակայված հայկական դիրքերի ուղղությամբ Ադրբեջանի ԶՈՒ կրակի հետեւանքով զոհվածների թվում էր 45-ամյա Արսեն Համբարձումյանը: «Իրավունքի» հետ զրույցում նրա մարտական ընկերներից քառօրյա եւ 44-օրյա պատերազմների մասնակից ՀԱԿՈԲ ՊԷՐՊԷՐԵԱՆՆ ասաց, որ պատերազմի ժամանակ եղել են նույն ջոկատից:

— Ուժեղ տղա էր Արսենը, ոչինչից չէր վախենում: Զարմանում էինք, որ միշտ արթուն էր: Գիշերները դիրքից դիրք էր գնում եւ բոլորին հարցնում էր, թե ինչպես են, ինչ են նկատել, զրուցում էր հետները, որ հանկարծ չքնեն, ամենքի հետ լեզու էր գտնում: Միշտ ասում էր առավոտյան 5-7–ը ամենավտանգավոր ժամանակն է: Երբ Շուշիում էինք, եւ մեզ ասացին, որ ընդամենը 30 հոգի է պետք, նա մի խոսք ասաց, որը մինչեւ հիմա հիշում եմ: Ասաց` մեր հետ գալը 50/50 է, ով պատրաստ է, թող միայն նրանք գան: Այդպես 30 հոգով գնացինք… Արսենը Շուշիի համար մինչեւ վերջ կռվեց եւ վերջիններից էր, որ դուրս եկավ այնտեղից: Պատերազմից հետո, երբ սկսվեց «Դիմադրության» շարժումը, ոգեւորված էր, մասնակցում էր ցույցերին եւ ասում էր, որ Նիկոլին պետք է հեռացնենք: Որքանով գիտեմ, աշխատանքի խնդիր ուներ եւ լինելով հայրենասեր` Երկրապահի հետ դիրքեր էր բարձրանում: Երկու երեխաների հայր էր` մի տղա եւ աղջիկ ուներ: Մասիվում նրան շատերը գիտեն:

— Իսկ ի՞նչ կասեք սահմանում ստեղծված իրավիճակի մասին, ի՞նչ ելք եք տեսնում:

— Քանի պատասխան չենք տալիս, անընդհատ խփելու են: Մեր դիրքերը բարենպաստ չէ, կարեւոր դիրքերը պետք է հետ վերադարձնենք: Քանի դեռ պարտվողական հոգեբանություն կա, այս ամենը շարունակվելու է:

ՀՐԱՆՏ ՍԱՐԱՖՅԱՆ

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց «Կառավարության կադրային բանկում» ընդգրկվել է 29 երկրից 269 թեկնածու, նրանց շուրջ 93 տոկոսն ունի հայկական արմատներ. Նիկոլ Փաշինյան Երուսաղեմի Սուրբ Հակոբ վանքի տարածքում միզելու փորձ կատարող իսրայելցի հրեա տղամարդ բռնվել է Մի քեֆ, մի ուրախություն․ ԸՆԿԵՐ ՓԱՆՋՈՒՆԻ  Իրականությունից կտրվածները