Այն ամենն, ինչ պետք է իմանալ եվրոպական սկզբունքայնության եւ «ժողովրդավարության» մասին. Լիլիթ Գալստյան

Հունվարի 24-ին ԵԽԽՎ-ն, գրեթե միաձայնությամբ, 1 տարով դադարեցնում է Ադրբեջանի պատվիրակության լիազորությունները եւ մասնակցությունը ԵԽԽՎ աշխատանքներին ՝ առանցքում ունենալով Ադրբեջանում մարդու իրավունքների կոպիտ ոտնահարումը, բռնատիրական ռեժիմը, Արցախի հումանիտար ճգնաժանի հաղթահարմանն ուղղված ԵԽԽՎ բանաձեւերի արհամարհումն ու չիրականացումը, «ցնցվելով այն փաստից, որ Ադրբեջանի ղեկավարությունը չի ճանաչել շուրջ տասը ամիս ձգված իրավիճակից բխող լուրջ հումանիտար եւ մարդու իրավունքների հետևանքները»:

 

Եվրոպական դիտորդները մերժում են դիտորդական առաքելություն իրականացնել բռնատիրական Ադրբեջանում։ Ադրբեջանից վտարվում է ԵԱԿՀ դիտորդը։

Երեկ Եվրամիության խորհրդի նախագահ Շառլ Միշելը զանգում եւ շնորհավում է 90 եւ ավելի տոկոսով «ընտրված» բռնապետին՝ նախագահի պաշտոնում 5-րդ անգամ ընտրվելու կապակցությամբ եւ հատկապես կարեւորում է էներգետիկ ոլորտում ԵՄ-ի հետ Ադրբեջանի համագործակցությունը։

 

Հ․Գ․ Այդ ընթացքում Հայաստանի քաղաքական եւ դիվանագիտական սնանկ իշխանությունները մոնետիզացնում են Հայաստանի «ժողովրդավարական» բրենդը․․․

Ի դեպ, Եվրոպական հարթակների, եւ հատկապես Շ․ Միշելի հետ ակտիվ կապերից հետո, Ն․Փ-ն հայտարարեց նշաձողն իջեցնելու պարտադրանքների մասին։ Իսկ, թե այն ինչ գին ունեցավ, առավել քան ողբերգական է․․․․», - գրել է ԱԺ «Հայաստան» խմբակցության պատգամավոր ԼԻԼԻԹ ԳԱԼՍՏՅԱՆԸ: