Ով էր ընդդեմ Հայաստանյայց Առաքելական եկեղեցու փորձում հանրահավաք իրականացնել. Մովսիսյանը փակագծեր է բացում

Վաղարշապատի համայնքապետին փոխարինող առաջին տեղակալ Արսեն Պետրոսյանն ի պաշտոնե համաձայնություն էր տվել, որպեսզի ԱՄՆ-ից ժամանած ոմն  Անդրանիկ Դովլաթյան փետրվարի 24-ին Էջմիածնում հակաեկեղեցական հանրահավաք անցկացնի:  Մինչդեռ այն, որ այդ հանրահավաքն ընդդեմ Հայ Առաքելական եկեղեցու է եւ Ամենայն Հայոց կաթողիկոսի, կազմակերպիչը բացեիբաց հայտարարում էր սոցցանցերում: Միայն երեկ Ա. Պետրոսյանը հանդես եկավ հայտարարությամբ, թե ուժը կորցրած է ճանաչել իր վերոնշյալ որոշումը: Անդրադառնալով այս ամենին` «Ազգային» հասարակական կազմակերպության նախագահ, ռազմաքաղաքական անկախ վերլուծաբան ԲԱԳՐԱՏ ՄՈՎՍԵՍՅԱՆԸ ուշագրավ մանրամասներ ներկայացրեց:

— Նիկոլ Փաշինյանի իշխանության աջակիցները նոր շարժում են ձեւավորել` «Վարդանանք» անվամբ, ու պատրաստվում էին «ակցիա» իրականացնել՝ ընդդեմ Վեհափառի` պահանջելով նրա հրաժարականը: Ընդդեմ Հայաստանյայց Առաքելական եկեղեցու այս շարժման նախաձեռնողը մոլի փաշինյանական Անդրանիկ Դովլաթյանն է: Վերջինս երկար տարիներ ԱՄՆ-ում է բնակվել եւ վերջերս է տեղափոխվել Հայաստան: Ուսումնասիրելով նրա ֆեյսբուքյան էջը` ակնհայտ է դառնում, որ վերջինս իշխանության ակտիվ աջակից է: Նա նաեւ կապ ունի հակառուսական, Ուկրաինայում փաստացի ռուսների դեմ գործողություններ ծավալելու փորձ անող «Հայկական լեգեոն» «կորպուսի» հետ։ Հնարավոր է, որ կապ ունենա հունվարի 1-ի` Նժդեհի արձանի մոտ խայտառակ ակցիայի հետ:

Դովլաթյանը մտադիր է գրավել Վեհարանը եւ Սուրբ Էջմիածնի մայր եկեղեցին, դրա մասին նա հայտարարում է իր իսկ տեսանյութում: Հակաեկեղեցական նմանատիպ մի տխրահռչակ շարժում ձեւավորվել էր 2018թ.-ին՝ հեղափոխությունից անմիջապես հետո, «Նոր Հայաստան, նոր հայրապետ» անվամբ, որի նախաձեռնողները կրկին այս իշխանության աջակիցներն էին:

Եվ արի ու տես, որ Էջմիածնի քաղաքային իշխանությունները թույլատրել էին այս ակցիան` փաստորեն, իրենց խղճին թողնելով բոլոր բացասական զարգացումները եւ նույնիսկ քաղաքացիական հնարավոր բախումները: Ի դեպ ասեմ, որ այս հարցով պաշտոնապես դիմել էի Ներքին գործերի նախարարությանը եւ Վաղարշապատի քաղաքապետարանին: Մասնավորապես` ՆԳ նախարար Վահե Ղազարյանից հետաքրքրվել էի, թե արդյոք տեղյակ է, որ Ա. Դովլաթյանը բավական ծայրահեղական է եւ բռնի ուժի կիրառման սպառնալիքի հայտարարություններ է հնչեցրել Հայաստանյայց Առաքելական Սուրբ եկեղեցու ղեկավարության հասցեին` հրապարակավ նույնիսկ զրպարտող տեղեկատվություն: Սույն անձն ուղիղ եթերում կոչ էր անում ոստիկանությանը նույնպես միանալ այդ ակցիային եւ դրանով փորձ էր անում կիսել իրավապահ մարմինների հետ հետագա զարգացումների հետեւանքները: Նաեւ հարց էի բարձրացրել, թե արդյոք ՆԳ նախարարությունը միջոցներ ձեռնարկելո՞ւ էր Մայր Աթոռի, Վեհարանի, Մայր Տաճարի անվտանգության ապահովման ուղղությամբ: Ստանձնո՞ւմ էր պատասխանատվություն քաղաքացիների միջեւ հնարավոր բախումների, քաղաքում անկարգությունների համար: Նույն հարցադրումներն ուղղել էի նաեւ Վաղարշապատի համայնքապետ Դիանա Գասպարյանին:

ՀՐԱՆՏ ՍԱՐԱՖՅԱՆ

Այս թեմայով Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թող մեր եռագույնը միշտ հպարտ ծածանվի ազատ և խաղաղ երկնքի տակ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Հուսիթական շարժումը փաստացի վերածվել է համաշխարհային նշանակության ռազմաքաղաքական գործոնի