Անի Կարապետյանի նկատմամբ իրականացվում է քաղաքական հետապնդում. Արսեն Բաբայան

«Այսօր, փետրվարի 1-ին, ժամը 16:00-ին Դատարանի Շենգավիթի նստավայրում կայանալու է քաղաքական հետապնդման ենթարկվող Անի Կարապետյանի վերաբերյալ քրեական գործի դատական նիստը։ Պաշտպանությունն ապահովում ենք ես և իմ գործընկեր Ռուդիկ Դոլունցը:

 

Անի Կարապետյանը մեղադրվում է ՀՀ քրեական օրենսգրքի 328-րդ հոդվածի 3-րդ մասի 3-րդ կետով (հաղորդակցական տեխնոլոգիաների օգտագործմամբ զանգվածային անկարգություններ կատարելու հրապարակային կոչեր) և 329-րդ հոդվածի 2-րդ մասի 3-րդ կետով (ատելություն, անհանդուրժողականություն և թշնամանք հրահրելուն ուղղված հրապարակային կոչեր) նախատեսված արարքների կատարման համար։