Ժաննա Անդրեասյանին դատի եմ տվել. Սեմյոն Բաբայան

Այսօր լրանում է ԿԳՄՍ նախարարին տրված 72 ժամը, որպեսզի նա 7-րդ դասարանի «Հայոց պատմություն» առարկայի դասագրքի խոտանման որոշում հրապարակի, ինչպես նաեւ սեփական դիմումի համաձայն հրաժարական տա: Սա էին պահանջում նրանից մի շարք գիտնականներ, հասարակական սեկտորի ներկայացուցիչներ ու հանրային դեմքեր` նախարարության դիմաց երկու օր առաջ տեղի ունեցած ակցիայի ժամանակ: Իսկ «Հանրային ազդարար» իրավապաշտպան ՀԿ նախագահ, պահեստազորի փոխգնդապետ ՍԵՄՅՈՆ ԲԱԲԱՅԱՆԸ ոչ թե ժամանակ է տալիս ԿԳՄՍ նախարարությանն, այլ դատի է տվել: «Իրավունքի» հետ զրույցում նա ասաց, որ դիմել է վարչական դատարան` վարչարարության, մշակույթի եւ կրթության ուղղությամբ կատարվող օրենքի հետ կապված խնդրահարույց մի քանի դրվագներով:

— Երբ թղթաբանությունը կազմվում էր վարչական դատարան դիմելու համար, ի զարմանս ինձ` պարզվեց, որ կան դիմումներ, որոնց պատասխան չի տրվել կամ պատասխանը եղել է փաստաթղթաշրջանառության ակնհայտ կոպիտ խախտումներով, որի մասով բողոք եմ գրել ե՛ւ նախարարության, ե՛ւ կառավարության դեմ` նշելով, որ վարչարարությունն այն մարմնում, որ պետք է լիներ օրինակելի, զրո մակարդակի վրա է: Նույնիսկ տարբեր վարչություններում տարբեր վարչարարություն են կիրառում: Ըստ իմ սուբյեկտիվ կամ օբյեկտիվ դատողության` սա արվել է նախապես պլանավորված, որպեսզի խուսափեն դատական պրոցեսներից:

— Պարոն Բաբայան, ակնհայտ է, որ, օրինակ, 7-րդ դասարանի «Հայոց պատմություն» առարկայի դասագրքում առկա խնդիրների վերաբերյալ անգամ հանրային լայն արձագանքից հետո` ԿԳՄՍ նախարարը պատրաստ չէ գնալ զիջումների: Հետեւապես, հնարավոր համարո՞ւմ եք, որ այս խնդիրները կարող են լուծվել իրավական ճանապարահով:

— Ես տեսնում եմ իրավական լուծումներ: Ավելին` տեղյակ եմ, որ բացի ինձնից` նաեւ եւս երեք անձ դիմել է դատարան: Իհարկե, ավելի արդյունավետ կլիներ, որ մարդիկ համախմբված լինեին եւ գործեին մի «ֆրոնտով»: Ցավոք, մեր հասարակությունը երբ հասնում է դանակը ոսկորին, նոր է զարթնում: Մինչդեռ բարձրաձայնված խնդիրների հետ կապված` առաջին շահառուն ծնողներն են, աշակերտները, ուսուցիչները եւ դպրոցի տնօրենները: Ու ընդամենը չորս գործով է հայց ներկայացված, հազարից մինչեւ երկու հազար լավ փաստաբան ունենք, նրանք պարտավոր էին այդ գործողություններն անել: Միայն իրավաբանական եւ հասարակության ճնշմամբ է հնարավոր այս հարցը լուծել եւ կանխել հետագա ավելի վատ քայլերը, որոնք կատարվում են թուրքական փողի ներգործությամբ եւ արտաքին ճնշումով: Ի վերջո, եթե ազգը ասում է` ո՛չ, կամակատարները մի պահ պարտավոր են նաեւ կանգ առնել եւ կանգ կառնե՛ն:

ՀՐԱՆՏ ՍԱՐԱՖՅԱՆ

Այս թեմայով Երեխայի նկատմամբ բռնությունը մեղք է ոչ միայն օրենքի, այլ նաև Աստծո առաջ. Հայտնի իրավապաշտպանը մանկապղծության դեպքի մասին Տրանսպորտային միջոցներ վարելու իրավունքը կասեցված ու վթարի պատճառ դարձած 19-ամյա տղայի նկատմամբ հանրային քրեական հետապնդում է հարուցվել Արթուր Խաչատրյան. «Ալիևն ասում ա՝ իմ հետ մրցանակ ստացած ընկերոջս եթե չընտրեք, պատերազմ կլինի» ԵՄ-ն հանձնառու է աջակցել Հայաստանի ազգային անվտանգությանը, կարող եք ապավինել մեզ. ԵԽ նախագահ ԵՄ-ն ուժգնորեն աջակցում է ՀՀ-ի սոցիալ-տնտեսական բարեփոխումների օրակարգին. ԵԽ նախագահ