Մեր տարածքի վրա պետություն ենք կառուցել` մեր զավակների արյան գնով, որը հիմա անարգվում է. Ղազարյան

Հայոց բանակի կազմավորման 32-ամյակի կապակցությամբ Կ. Դեմիրճյանի անվան մարզահամերգային համալիրում կազմակերպված պաշտոնական միջոցառման ժամանակ Նիկոլ Փաշինյանն իր ելույթում հայտարարեց, որ Հայաստանի Հանրապետությունն ինքն իրեն պետք է նույնականացնի այն տարածքի հետ, որի վրա եւ ճանաչվել է միջազգային հանրության կողմից: Անդրադառնալով վերոնշյալին` Սահմանադրական դատարանի աշխատակազմի նախկին ղեկավար, Լեհաստանում ՀՀ նախկին դեսպան ԷԴԳԱՐ ՂԱԶԱՐՅԱՆԸ հիշեցնում է, որ Հայաստանը միջազգային հանրության կողմից ճանաչվել է Անկախության Հռչակագրով ստեղծված պետության սահմաններով՝ Հայաստան եւ Արցախ: Նա ընդգծեց, որ այդ պետությունն է կոչվում Հայաստանի Հանրապետություն, ինչը միջազգայնորեն ճանաչվել է:

— Կարո՞ղ է ասել միջազգային կազմակերպության որեւէ մի անուն, որը Հայաստանի տարածք է սահմանել, եւ որն է այդ տարածքը: Միջազգայնորեն Հայաստանը Անկախության հռչակագրով ասում է, որ Հայաստանի գերագույն խորհուրդը Արցախի հետ վերամիավորման հիման վրա ստեղծում է մի պետություն, որի անունն է Հայաստանի Հանրապետություն: Քանի այդ տարածքը միջազգային պայմանագրերով հստակեցված չէ, այդ պետության սահմանն այնտեղ է, որտեղ կանգնած է եղել քո զինվորը, եւ որը եղել է քո իրավազորության ներքո: Միջազգային ոչ մի կազմակերպություն ու երկիր, բացի Ադրբեջանից, Թուրքիայից ու Պակիստանից,  մեր երկրի նկատմամբ սանկցիա չի կիրառել, չի ասել, թե ուրիշ երկրի տարածք ես օկուպացրել, դա քո երկրի տարածքը չէ: Սա է մեր երկիրը: Երբ հիմա ասում է` «ես Հայաստանի Հանրապետության վարչապետն եմ», չի նշանակում, որ ինքն է հանրապետությունը ստեղծել. այն ստեղծվել է Անկախության հռչակագրով, որտեղ գրված է, թե որն է Հայաստանի Հանրապետությունը:

— Փաշինյանը նաեւ ասում է, որ Հայկական ԽՍՀ տարածքը նույնական է Հայաստանի Հանրապետության ինքնիշխան տարածքի հետ: Ավելին` մենք պետք է հստակ ու աներկբա արձանագրենք, որ որեւէ այլ տարածքի նկատմամբ որեւէ հավակնություն չունենք եւ չենք ունենալու, ինչը պետք է դառնա Հայաստանի արտաքին անվտանգության ապահովման ռազմավարական դիրքը: Ի՞նչ կասեք այս մասին:

— Ո՞վ է իրեն այդպիսի բան ասել: Մենք երբեք որեւէ երկրի տարածքի վրա հավակնություն չենք էլ ունեցել: Արցախը, որ Հայաստան է եղել, նա մտածում է, որ մենք տարածքի հավակնությո՞ւն ենք ունեցել: Մենք մեր տարածքի վրա պետություն ենք կառուցել, շենացրել ենք այդ երկիրը` մեր ժողովրդի զավակների նվիրական արյան գնով, որը հիմա անարգվում է:

Այս թեմայով Իրանը պահանջում է ԱՄՆ-ի լիակատար կապիտուլյացիան, ինչը Թրամփի գիտակցությունը չի կարողանում ընկալել. Բրիտանական հետախուզության նախկին սպա Գերմանիան արագորեն պատրաստվում է Ռուսաստանի հետ հնարավոր պատերազմի. Բեռլինում ՌԴ դեսպան Երկիրը գտնվում է այլմոլորակային հետախուզության հսկողության տակ. ԱՄՆ փոխծովակալ, առևտրի նախկին փոխնախարար Գնալդ լի նի, գալդ չլինի. ԸՆԿԵՐ ՓԱՆՋՈՒՆԻ «Հրապարակ»․ Պաշտպանության նախկին փոխնախարարին մեղադրանք է առաջադրվել