Ավինյանը հորդորում է ավտոտրանսպորտային միջոցներով երթեւեկել միայն խիստ անհրաժեշտության դեպքում

Տեղումները շարունակվել են ամբողջ օրվա ընթացքում, ուստի՝ խնդրում ենք ցուցաբերել զգուշավորություն՝ հաշվի առնելով փողոցներում առկա երթեւեկության բարձր ռիսկայնությունը:

 

Ուզում եմ նաեւ տեղեկացնել, որ գիշերվանից ձյան տեղումների վերսկսմանը զուգահեռ մայրաքաղաքի վարչական շրջաններում մեկնարկել են ձնամաքրման աշխատանքները եւ շարունակվում են տեղացող ձյան պայմաններում:

 

Քանի որ հնարավոր են մեքենաների կուտակումներ փողոցներում, մայրաքաղաքի Ա և Բ գոտիների ավտոկայանատեղիները այսօրվա եւ վաղվա ընթացքում կգործեն անվճար, քանզի կարող է առաջանալ չնախատեսված կայանումների անհրաժեշտություն»: