Ես կառավարման խորհրդի անդամ եմ` ինչպե՞ս է Արտակ Գալստյանն առանց ինձ կուսակցության անունից որոշում ընդունել. Խուդավերդյան

«Իրավունք»-ն անդրադարձել էր, որ անազատության մեջ գտնվող Արտակ Գալստյանը «Հանրային Ձայն» կուսակցության անունից հայտարարությամբ էր հանդես եկել` նշելով, որ կուսակցության կառավարման խորհրդի որոշմամբ` դադարեցված է նույն քաղաքական ուժի պատվավոր նախագահ Վարդան Ղուկասյանի կուսակցությանն անդամությունը։ Ավելին` խորհրդի նախագահի որոշմամբ դադարեցվել է մինչ այդ «Հանրային Ձայն» կուսակցության Երեւանի ավագանու ֆրակցիայի ղեկավար Վահան Ավագյանին տրված լիազորագիրը, չեղյալ են հայտարարվել վերջինիս կողմից կայացված բոլոր որոշումները, որոնք չեն ստացել կառավարման խորհրդի հավանությունը։ Ընդ որում` լիազոր մարմինը հունվարի 9-ին գրանցել է «Հանրային Ձայն»-ի վերոնշյալ որոշումները, եւ դրանք մտել են օրինական ուժի մեջ։ Եվ թեպետ Վ. Ղուկասյանը հայտարարեց, որ ստեղծում է նոր կուսակցություն եւ չի պատրաստվում կայացված որոշումները վիճարկել դատարանում, այդուհանդերձ` մնաց չպարզանված, թե ինչպես կարող էր կուսակցության կառավարման խորհուրդը` առանց խորհրդի անդամների, նման որոշում կայացնել` ստեղծելով նոր կառավարման խորհուրդ, որի նախագահ Արտակ Գալստյանը գտվում է անազատության մեջ:

«2022 թվականին, երբ տեղի ունեցավ «Հանրային Ձայն»-ի առաջին համագումարը, ես կուսակցության կառավարման խորհրդի անդամ էի: Ուզում եմ հարց հնչեցնել` ինչպե՞ս է Արտակ Գալստյանը նիստ անցկացրել եւ որոշում ընդունել` առանց խորհրդի անդամներին տեղյակ պահելու: Ես ո՛չ զանգ, ո՛չ նամակ, ո՛չ հրավեր` նման քննարկման մասնակցելու չեմ ստացել: Առանց ինձ եւ մյուս խորհրդի անդամների` կայացվել է որոշում Արտակ Գալստյանի կողմից, եւ այն գրանցվել է պետռեգիստրում», - մանրամասնեց Երեւանի ավագանու «Հանրային Ձայն» խմբակցության անդամ ԱՆՈՒՅՇ ԽՈՒԴԱՎԵՐԴՅԱՆԸ:

Պահեստազորի գնդապետ, ազատամարտիկ ՄԻՀՐԱՆ ՄՈՎՍԵՍՅԱՆԸ, ով, չլինելով «Հանրային Ձայն» կուսակցության անդամ, ի սկզբանե սատարել է Արտակ Գալստյանին, համարում է, որ նրա կատարած քայլը ոչ մարդկային է:

«Լինելով իրավաբան` կարող եմ ասել, որ «Հանրային Ձայն» կուսակցությունն իր կանոնադրությամբ նման բան չէր նախատեսել: Ընդհանրապես, եթե գտնվում ես անազատության մեջ, ավելի շատ զբաղվիր քո ազատության հետ կապված հարցերով, եթե ապօրինի են կալանավորել քեզ, այլ ոչ թե խոչընդոտ դարձիր կուսակցության առաջընթացին: Երեւում է, մենք սխալ եք թույլ տվել, որ տարբեր ժամանակահատվածներում դատարանի առջեւ եւ այլ վայրերում ակցիաներ ենք կազմակերպել նրա ազատության համար», – ընդգծեց Մ. Մովսիսյանը:

ՀՐԱՆՏ ՍԱՐԱՖՅԱՆ

Այս թեմայով ԱՄՆ-Իրան հակամարտության ռազմական նոր փուլը կվերսկսվի՞, թե՞ ոչ․ Արտակ Զաքարյան Ինչպե՞ս առաջ գնալ՝ խուսափելով պատրանքներից և պաշտպանել պառակտվող անկախ պետականությունը․ Զաքարյան Ռամզան Կադիրովը Չեչնիայի ղեկավարի ընտրություններում ստացել է 99,85% ձայն Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար