Ինչո՞ւ է ՀՀ երկինքը բաց թուրք-ազերիների առջեւ. Ավիացիոն մասնագետ բացառիկ մանրամասներ է ներկայացնում

ՀՀ իշխանությունները մեկ անգամ չէ, որ պնդել են, թե Ադրբեջանին ոչ մի պարագայում թույլ չեն տա անցնել-դառնալ Մեղրիով` առանց որեւէ հսկողության: Բայց դրան զուգահեռ ունենք այլ փաստ. Իսկ ահա Հայաստանի երկնքով նրանք լավ էլ անարդել անցնում են: Ինչպե՞ս դա հասկականք: Մեր օդային սահմանով թուրքական վոյաժների լեգալությանը հարցեվ դիմել ենք ավիացիոն մասնագետ ՀԱԿՈԲ ՃԱՂԱՐՅԱՆԻՆ.

- Օդային ճանապարհը դա միջազգային կարգավորումների տակ է։ Օդային ճանապարհով անցնելիս մենք սահման չենք անցնում, այսինքն` օգտագործում ենք մեկի օդային տարածքը։ Այն է` մտանք, անցանք, ոչ սահմանապահի ստուգում ենք անցնում ոչ էլ մաքսային։ Ամեն պետության սահման անցնելիս օդանավը չի կարող վայրէջք կատարել մաքսային ու սահմանապահ ստուգումներ անցնելու նպատակով։

Օդային սահմանների կանոնակարգումը լրիվ ուրիշ օրենքների մեջ է, 1944 թվականի Չիկագոյի սահմանադրության օդային տարածքի օգտագործման հոդվածի մեջ է գրված, որին մասնակից են ե՛ւ Հայաստանը ե՛ւ Թուրքիան ե՛ւ պաշտոնական բոլոր երկրները։ Իսկ ցամաքային ճանապարհը լրիվ այլ բան է, դա վերգետնյա հաղորդակցությունների մասին կոնվենցիան է, որից ես տեղյակ չեմ:

Հ.Գ- Բայց նաեւ նկատենք, որ պետք եղած դեպքում Թուրքիան լավ էլ փակում է իր օդային սահմանները հայաստանյան ինքնաթիռների առաջ: Մեկ այլ ցայտուն դրվագ. 44-օրյա պատերազմի առաջ Վրաստանը եւս մի շարք բեռների առաջ փակեց օդային սահմանը Հայաստանի առաջ: Այսինքն, Չիկագոյի կոնվենցիան կարելի՞ է շրջանցել: Եվ նորից նույն հարցը` իսկ ինչո՞ւ է Հայաստանի երկինքն լիովին բաց թուրք-ազերիների առաջ: