Ստեղծել ուժեղ եւ կիրթ հասարակություն. Սերժ Սարգսյանի տեսլականը՝ կրթական համակարգի վերաբերյալ

2008 թվականից կրթական համակարգում սկսվեց էական բարեփոխումների շրջան՝ ընդգրկելով բոլոր մակարդակները՝ նախադպրոցական հաստատություններից մինչեւ բարձրագույն ուսումնական հաստատություններ: Այս ընթացքում կրթության ոլորտում պետական ծախսերը 2008 թվականի 130 մլրդ դրամից 2017 թվականին հասել են 200 մլրդ դրամի։ Ուսուցիչների աշխատավարձը 2008 թվականի միջին 80 հազար դրամից 2017 թվականին հասել է 150 հազար դրամի։

Զգալի փոփոխություններ են տեղի ունեցել նաեւ ուսումնական հաստատությունների ենթակառուցվածքներում։ Դպրոցներում համակարգիչների թիվը 2006թ.-ի 5600-ից 2016թ.-ին հասել է 22000-ի: Ներառական կրթության ներդրումը հնարավորություն տվեց կրթական գործընթացում ներառել կրթության առանձնահատուկ պայմանների կարիք ունեցող ավելի քան 6000 երեխայի։

 

Կառավարության կողմից անվճար դպրոցական սննդի նախաձեռնությունը մեկնարկել է 2010թ.-ին, որը կարեւոր քայլ էր աշակերտների առողջությանն ու բարեկեցությանը աջակցելու գործում: Մինչեւ 2017 թվականը տարրական դասարանների ավելի քան 90 հազար աշակերտ ստացել է անվճար սնունդ։

 

ՀՀ 3-րդ Նախագահ Սերժ Սարգսյանի օրոք ձեռնարկված այս ջանքերն ու նախաձեռնությունները ցույց են տալիս նրա տեսլականն ու մոտեցումը՝ ստեղծելու ուժեղ եւ կիրթ հասարակություն, որը կարող է Հայաստանը տանել դեպի զարգացման եւ բարգավաճման նոր հորիզոններ», - գրել է ՀՀԿ խորհրդի անդամ ՄԻՔԱՅԵԼ ԳՐԻԳՈՐՅԱՆԸ։