Բացառիկ հարցազրույց` Վարդան Ղուկասյանի, Արտակ Գալստյանի, Արման Մկրտումյանի փաստաբան Լեւոն Բաղդասարյանի հետ

Անազատության մեջ գտնվող Արտակ Գալստյանը կրկին «Հանրային Ձայն» կուսակցության անունից հայտարարությամբ է հանդես եկել` նշելով, որ կուսակցության կառավարման խորհրդի որոշմամբ` դադարեցված է Վարդան Ղուկասյանի կուսակցության անդամությունը։ Իրավապահներին նաեւ հայտնել են, որ խորհրդի նախագահի որոշմամբ դադարեցվել է մինչ այդ «Հանրային Ձայն» կուսակցության Երեւանի ավագանու ֆրակցիայի ղեկավար Վահան Ավագյանին տրված լիազորագիրը, չեղյալ են հայտարարվել վերջինիս կողմից կայացված բոլոր որոշումները, որոնք չեն ստացել կառավարման խորհրդի հավանությունը։ Ավելին` լիազոր մարմինը հունվարի 9-ին գրանցել է «Հանրային Ձայն» կուսակցության խորհրդի որոշումները, ըստ որի, դրանք մտել են օրինական ուժի մեջ։ Այս մասին «Իրավունք»-ը զրուցեց «Լեւ Գրուպ» փաստաբանական ընկերության հիմնադիր-ղեկավար, աղմկահարույց գործերով հայտնի փաստաբան ԼԵՎՈՆ ԲԱՂԴԱՍԱՐՅԱՆԻ հետ:

— Իրավական առումով` ինչպե՞ս կարող էր Արտակ Գալստյանը, լինելով անազատության մեջ, 18 հոգուց բաղկացած կուսակցության կառավարման խորհրդի նիստ գումարել, դեռ մի հատ էլ որոշում կայացնել:

— Ինչ վերաբերում է որոշմանը, ապա դա բացառապես վերաբերում է կուսակցությանը, ոչ թե կոնկրետ անհատի` կուսակցության նախագահի տեսքով: Ուղղակի ցանկանում եմ արձանագրել, որ բացառապես ստանձնել եմ քրեական հարթության վրա պաշտպանությունն ինչպես Արտակ Գալստյանի, այնպես էլ այդ գործով անցնող որոշ անձանց: Այնպես որ, այս հարցերը բացառապես կուսակցության տիրույթում է գտնվում, ինչն օրենքի գործիքակազմը թույլ է տալիս: Միեւնույն ժամանակ, նշեմ, որ անձը իր քաղաքական գործունեության լիազորություններն օրենքի ուժով վայր չի դնում` ունենալով մեղադրյալի կարգավիճակ կամ գտնվելով կալանքի տակ:

— Նույն հայտարարության մեջ ասված է, թե կուսակցության կառավարման խորհուրդը հաղորդում է ներկայացրել ՀՀ իրավապահներին այն մասին, որ Վարդան Ղուկասյանի կողմից հունվարի 19-ին հրավիրված համագումարն իր մեջ առերեւույթ պարունակում է ինքնիրավչության հանցակազմ եւ քրեորեն պատժելի է: Ի՞նչ կասեք այս մասին:

— Յուրաքանչյուր անձի դիրքորոշումն է ինչ-որ գործողությունների մեջ հանցակազմ պարունակող տարրեր տեսնել, դա անձի իրավունքն է օրենքով սահմանված կարգով դիմելու իրավապահ մարմիններին: Ինչ վերաբերում է համագումար հրավիրելուն եւ անցկացնելուն, իրավամբ` այն օրենքով սահմանված գործիքակազմ է: Ավելին, որքան գիտեմ մամուլից` կուսակցության անդամներն են հրավիրել համագումարը, ինչը բացառապես իրենց իրավունքի տիրույթում է գտնվում:

— Նկատի ունեք, որ անկախ Արտակ Գալստյանի ղեկավարությամբ գործող կառավարման խորհրդի որոշման` «Հանրային Ձայն» կուսակցության անդամները կարո՞ղ են համագումար անցկացնել:

— Սա անձնական հարց չէ, որ անհատը որոշի, օրենքով է կարգավորվում, թե որ դեպքում կուսակցությունը համագումար կարող է հրավիրել, որ դեպքում` արտահերթ համագումար, երբ ղեկավարման, ֆինանսական հաշվետվություն ներկայացնել եւ այլն: Ամեն դեպքում, ցանկացած անհատի ցանկությունները, կարծում եմ, տվյալ դեպքում ոչ իրավաչափ է:

— Ի դեպ, «Հանրային Ձայն» կուսակցության պատվավոր նախագահն ուղիղ եթերով ասել էր, որ դիմելու է «Լեւ Գրուպ»-ին, որպեսզի դադարեցնենք Արտակ Գալստյանի պաշտպանությունն իրականացնել: Ի՞նչ որոշում ունեք այս հարցում:

— Արձանագրեմ, որ այս քրեական վարույթների շրջանակում` նախաքննության փուլում բոլոր վճարումները կատարվել են Վարդան Ղուկասյանի կողմից: Միաժամանակ, նաեւ արձանագրում եմ, որ իրավունքն ինձ համար գիտություն է բարու եւ արդարի մասին: Ես այդ սկզբունքով էլ շարժվելու եմ: Բացառապես իմ տիրույթում է գտնվում` պաշտպանել այս կամ այն անձին, իրավաբանական օգնություն տրամադրել, այդ սկզբունքով էլ կշարժվեմ: Ես ցավում եմ, որ քաղաքական հարթակում ինչ-որ խմորումներ եմ գնում, բնականաբար, դա իմ տիրույթը չէ եւ չեմ էլ ցանկանում մտնել դրա մեջ: Բայց իրավական հարթակում շարժվելով նշածս սկզբունքով` ես կանգնում եմ այն անձանց կողքին, որոնց առաջադրված են մեղադրանքներ, դա կլինի Վարդան Ղուկասյանը, Արտակ Գալստյանը, Արման Մկրտումյանը եւ այլք:

ՀՐԱՆՏ ՍԱՐԱՖՅԱՆ

Այս թեմայով Նիկոլը Հայաստանում իրականացնում է «դենացիոնալիզացիա». Նարեկ Գալստյան Զանգել, երեխայի լացի ձայն են միացրել ու անջատել. Տիգրանի պապիկ ՀՐԱՏԱՊ. Հայտնի փաստաբանը դիմել է Երեւանի քաղաքապետին հստակ առաջարկությամբ Լևոն Տեր-Պետրոսյանը դուրս է գրվել Մինչև Նիկոլի իշխանազավթումը՝ ՀՀ֊ը շարժվում էր արժանապատիվ և պատերազմների չեզոքացման ճանապարհով. Արտակ Զաքարյան