Հովիկ Աղազարյանն ընդդեմ Հովիկ Աղազարյանի

Ազգային ժողովը 63 կողմ, 27 դեմ եւ 6 ձեռնպահ ձայներով երկրորդ ընթերցմամբ եւ ամբողջությամբ ընդունեց իշխող «Քաղաքացիական պայմանագիր» խմբակցության պատգամավոր Հայկ Սարգսյանի հեղինակած «Զինվորական ծառայության եւ զինծառայողի կարգավիճակի մասին» օրենքում լրացումներ եւ փոփոխություններ եւ Քրեական օրենսգրքում լրացում կատարելու մասին օրենքի նախագծերի փաթեթը: Մի նախագիծ, որի վերաբերյալ ՀՀ պաշտպանության նախարարի տեղակալ Արման Սարգսյանն ԱԺ ամբիոնից հայտարարել էր, որ պաշտպանության նախարարությունը վերապահում ունի: Սակայն առավել հատկանշական էր այն, որ նախագծին կողմ քվեարկեց ՔՊ-ական պատգամավոր ՀՈՎԻԿ ԱՂԱԶԱՐՅԱՆԸ, մինչդեռ ԱԺ պաշտպանության եւ անվտանգության հարցերի հանձնաժողովի նիստում վստահեցնում էր. «Ես ամեն ինչ կանեմ, որ նախագիծը չընդունվի »։

Հիշեցնենք, որ նախագծով առաջարկվում է 27 տարին լրացած եւ պարտադիր զինվորական ծառայություն չանցած քաղաքացիներին տալ հնարավորություն ազատվելու քրեական պատասխանատվությունից․ առաջին` երկու տարի ծառայելով, երկրորդ` մեկ տարի ծառայելով եւ պետական բյուջե վճարելով 2,5 միլիոն դրամ, երրորդ՝ վեց ամիս ծառայելով եւ պետական բյուջե վճարելով 5 միլիոն դրամ, չորրորդ՝ մեկ ամիս ծառայելով եւ պետական բյուջե վճարելով 8 միլիոն դրամ, հինգերորդ՝ զինվորական ծառայության փոխարեն պետական բյուջե վճարելով 15 միլիոն դրամ։ Նաեւ առաջարկվում է, որպեսզի պարտադիր զինվորական ծառայության զորակոչի ենթակա լինեն նաեւ 27 տարին լրանալուց հետո ՀՀ քաղաքացիություն ստացող արական սեռի քաղաքացիները։ Ընդ որում, նրանք կարող են կամ 12 ամիս ժամկետով պարտադիր զինվորական ծառայություն անցնել զինված ուժերում կամ պետական բյուջե վճարել 2,5 միլիոն դրամ:

Հ. Աղազարյանի կարծիքով` այս նախագծի ընդունման շնորհիվ Հայաստան վերադարձող յուրաքանչյուր մեկ վերադարձի դիմաց` ունենալու ենք 100 արտագաղթող քաղաքացի:

ՀՐԱՆՏ ՍԱՐԱՖՅԱՆ

Այս թեմայով «Բենզին հողի դիմաց» օպերացիա. ԸՆԿԵՐ ՓԱՆՋՈՒՆԻ Եթե ՔՊ-ն մնաց իշխանության, Էրդողանը կորոշի՝ ով կլինի ՀՀ Կաթողիկոսը. Արամ Սարգսյան Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին «Ժողովուրդ». Հայկ Կոնջորյանի` շքեղ առանձնատան աղմկահարույց պատմությունը նոր զարգացում ունի «Իրավունք». «Ազգային առաջընթաց»-ի բացահայտ հետընթացը