Ինչ կապ ունի Արայիկ Հարությունյանի եղբայրն Արամուսում տեղի ունեցած վիճաբանության հետ

Մամուլում տարածված տեղեկություններն առ այն, որ Արցախի չորրորդ նախագահ Արայիկ Հարությունյանի եղբայրը, իբրեւ ներկա է եղել ԳՇ պետի նախկին առաջին տեղակալ, Հայաստանի ազգային հերոս ՏԻՐԱՆ ԽԱՉԱՏՐՅԱՆԻ մասնակցությամբ խնջույքին եւ այնուհետեւ մասնակցել է ծագած վիճաբանությանը, չեն համապատասխանում իրականությանը։

Արայիկ Հարությունյանին մոտ կանգնած «Իրավունքի» աղբյուրները փաստեցին, որ վերջինիս եղբայրը ոչ միայն չի մասնակցել վիճաբանությանը, այլեւ ընդհանրապես ներկա չի եղել ո՛չ այդ խնջույքին, ո՛չ էլ տվյալ տարածքում ընդհանրապես: Միեւնույն ժամանակ, չհերքեցին, որ Ա. Հարությունյանի եղբոր եւ Տիրան Խաչատրյանի միջեւ կան ջերմ ընկերական հարաբերություններ:

Հիշեցնենք, որ Երեւանի ընդհանուր իրավասության քրեական դատարանի որոշմամբ` Տիրան Խաչատրյանի նկատմամբ որպես խափանման միջոց է ընտրվել երկամսյա կալանքը։ Նրան առաջադրված մեղադրանքի հիմքում, ըստ Քննչական կոմիտեի, Արամուս գյուղում գործող «Էրիկի մոտ» հացատանը տեղի ունեցած զենքի գործադրմամբ խուլիգանությունն է: Հունվարի 11-ին վերոնշյալ հացատան բակում վիճաբանություն է ծագել շուրջ տասնյակ անձանց միջեւ։ Այդ ընթացքում նրանք փոխադարձ հարվածներ են հասցրել միմյանց` զուգորդված փոխադարձ հայհոյանքներով, իսկ վիճաբանությանը մասնակից Տիրան Խաչատրյանը, շարունակելով խուլիգանական գործողությունները, իր մոտ եղած հրազենից կրակոց է արձակել եւ մարմնական վնասվածք պատճառել տեղի բնակչին։

ՀՐԱՆՏ ՍԱՐԱՖՅԱՆ

Այս թեմայով Ինչ նոտարական փաստաթուղթ է իրականում ստորագրել Հարությունյանը Բաքվի բանտում Վեճ՝ արցախցիների հարցով քննարկման ընթացքում․ ՔՊ-ն լքեց դահլիճը․ «Չեմ հասկանում՝ ով է հարցը լուծելու» Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել