Ինչ է կատարվում «Հանրային Ձայն»-ում

Վերջին օրերին «Հանրային Ձայն» կուսակցության ներկայացուցիչներն իրարամերժ հայտարարություններով են հանդես գալիս: Մի կողմից` «Հանրային Ձայն» կուսակցության պատվավոր նախագահ Վարդան Ղուկասյանը հունվարի 19-ին նախատեսված համագումարին է հրավիրում ոչ միայն կուսակցության խորհրդի կազմին, այլ բոլոր նրանց, որոնք կուսակցության անդամ դառնալու հայտ կներկայացնեն: Իսկ մյուս կողմից` «Հանրային Ձայն» կուսակցությունն իր ֆեյսբուքյան էջերից մեկով հայտարարում է, թե իբրեւ Վարդան Ղուկասյանն այլեւս որեւիցե քաղաքական առնչություն չունի  ո՛չ «Հանրային Ձայն» կուսակցության, ո՛չ  կուսակցության Երեւանի ավագանիում գործող համանուն խմբակցության հետ: Այդուհանդերձ, ՎԱՐԴԱՆ ՂՈՒԿԱՍՅԱՆԸ պնդում է, որ այդ Արտակ Գալստյանը այլեւս ոչ մի կապ չունի կուսակցության հետ` իր կողմնակիցներով հանդերձ:

«Պարզ ասեմ` Արտակ Գալստյանը մի երեք ամիս առաջ խախտեց պայմանավորվածությունը: Կար պայմանավորվածություն, որ վարչապետի թեկնածու էր, քաղաքապետի ընտրություններում առաջին համարն էր: Ասել էի՝ անցնում ենք, մանդատը վայր ես դնում, որ մյուսները գան: Դու վարչապետի թեկնածու ես, հո չե՞ս գնալու ավագանու նիստերին նստես, չես էլ կարող: Ասաց՝ մանդատն ինձ պետք է, որ դատարանով դուրս գամ։ Ասացի՝ լավ, ինչքա՞ն ժամանակ է պետք: Նախ` պայմանավորվեցինք, որ մանդատը դնելու է, չդրեց։ Հարցնում եմ` ինչո՞ւ չես դնում, ես ավագանիում յոթ թիվն ապահովեմ, ե՞րբ է դատդ: Ավագանու անդամներին էլ ասացի` գնացեք, երաշխավորագիր գրեք, որ այդ մարդուն թողնեն: Գնացին, գրեցին, տվեցին: Դատավորը երեք ամիս դուբլեց, ճամփեց: Էլի մանդատը չդրեց:  Դու վարչապետ ես ուզում լինես, բայց կախվել ես ավագանու մանդատի՞ց: Լավ, իմ տված հացի մեջ հեչ աղ ու ջուր չկա: Բերեմ, զարգացնեմ, քաղաքական դեմք սարքեմ, վերջում ժողով են անում մի քանի հոգով՝ Վարդան Ղուկասյան են ուզում հանել», - այսպես է մեկնաբանում իրավիճակը Վարդան Ղուկասյանը:

Ըստ էության, կուսակցության անդամներն ու Երեւանի ավագանու «Հանրային Ձայն» խմբակցության անդամները կանգնած են ծանր որոշման առաջ` Վարդան Ղուկասյա՞ն, թե՞ Արտակ Գալստյան: Համենայնդեպս, այս պահին գոնե խմբակցության անդամները չեն շտապում որեւէ հայտարարություն անել, վստահեցնում են` բոլոր հարցերի պատասխանները կլինեն, բայց ավելի ուշ:

Այս թեմայով ԿԸՆ-ն մերժեց Տիգրան Ուրիխանյանի և Վարդան Ղուկասյանի գրանցումը «Հրապարակ». Վարդան Հարությունյանի գործով Վերաքննիչ դատարանը մերժել է դատախազությանը Ինչ են խոստացել հայր ու որդի Ղուկասյանները Առանց ԴՕԿ կուսակցության որդեգրած բանաձևի՝ հնարավոր չէ մաքրել ավգյան ախոռները. Հայտնի իրավապաշտպանը նախընտրական ռեպրեսիաների մասին Նիկոլը վրեժ է հանում հայ ազգից, ու դա արել է միշտ. Արսեն Ղուկասյան