Ի՞նչ ներդրում է անում Ֆրանսիան, ոչի՛նչ, Հայաստան են ուղարկում խլամ «տռտռիկներ». Լեո Նիկոլյան

«Իրավունքը» զրուցել է ֆրանսահայ հետաքննող եւ ռազմական լրագրող ԼԵՈ ՆԻԿՈԼՅԱՆԻ հետ:

«ՄԵԶ ԻՆՉԻ՞ ՏԵՂ ԵՆ ԴՐԵԼ, ՄԵՆՔ ՀՈ ԱՇԽԱՐՀԻ ԶԻԲԻԼՆ ԸՆԴՈՒՆՈՂԸ ՉԵՆՔ»

— Ձեր կողմից հրապարակված աղմկոտ կոռուպցիոն բացահայտումներից հետո Ֆրանսիայի դեսպան Անն Լույոն վաղաժամկետ ավարտեց իր դիվանագիտական առաքելությունը Հայաստանում ու հեռացավ: Սակայն հիմա էլ Դուք ահազանգում եք նոր դեսպանի` Օլիվյե Դեկոտինիի անվան հետ կապված խնդիրների մասին: Կմանրամասնե՞ք:

— Ուղղակի աղետ է` բացի թրաֆիկի ու վիզաների հետ կապված խնդիրներից, նաեւ պեդոֆիլիայի հետ կապված հարցեր կան: Էմանուել Մակրոնը «կլոունների» կառավարություն է ձեւավորել: Նա իր ամենաուժեղ խորհրդականին` Իզաբել Դյումոյին նշանակեց Թուրքիայում Ֆրանսիայի դեսպան, իսկ Հայաստանը դարձրել են աշխարհի զիբիլանոց, ինչպես քաղաքապետ Անն Իդալգոն Փարիզն է դարձրել զիբիլանոց: Այո՛, նախկին դեսպանին կարողացա վտարել Հայաստանից, որովհետեւ միլիոնների կոռուպցիայի եւ Ադրբեջանի օգտին «շպիոնություն» անելու հետ կապված հարցեր կային: Ինչ վերաբերում է Օլիվյե Դեկոտինիին, նա աշխատել է ֆրանսիական ամենաուժեղ մաֆիայում: Մի մաֆիա, որն Էմանուել Մակրոնի գիտությամբ` Ադրբեջանին 880 միլիոն դոլարով ծախել է երկու ռազմական սպուտնիկ, ինչի նաեւ հետեւանքով զոհեր ենք ունեցել: ՀՀ-ում Ֆրանսիայի նախկին դեսպան Ջոնաթան Լակոտն ընտիր դեսպան էր` պրոֆեսիոնալ, աշխատող, հայասեր, նրանից հետո մի կին դարձավ դեսպան, որը Կոլումբիայում բռնված է եղել` կոկաինի հետ կապված մի պատմության պատճառով, այն, որ Ադրբեջանի «շպիոն» էր, ապացուցեցինք, իսկ նոր դեսպանը, որն ընդամենն Էրբիլում հյուպատոս էր, Հայաստանին ընդհանրապես չի հարգում: Նա խնդիրներ ունի փոխվարչապետ Մհեր Գրիգորյանի հետ եւ ոչ միայն նրա, այնպես է խոսում, որ վերջինս էլ է գժված այդ պահվածքից: Չեմ հասկանում` մեզ ինչի՞ տեղ են դրել, մենք հո աշխարհի զիբիլն ընդունողը չենք: Ի դեպ, ժամանակին, երբ Ֆրանսիայի դեսպանը Իրաքում հանդիպել է Իրաքի  արտգործնախարարի հետ եւ ասել, թե կոռուպցիա շատ կա Ձեր երկրում, Իրաքի արտգործնախարարն ասել է` Դուք նայեք, թե Ձեր հյուպատոսն ինչ է անում` ամեն մի վիզայի համար 3 հազար դոլար փող է աշխատում ու գրպանն է դնում` նկատի ունենալով նույն Օլիվյե Դեկոտինիին:

— Բայց որեւէ բացատրություն ունի՞ այն, որ Հայաստանի համար ճակատագրական այս շրջանում` գնալով ավելի վատ դեսպան է ուղարկում Ֆրանսիան:

— Էմանուել Մակրոնն իր երկիրն է քանդում, կտոր-կտոր ծախում է ամերիկացիներին: Մի մոռացեք, որ Է. Մակրոնը մինչեւ նախագահ դառնալը` եղել է բանկի ղեկավար` անգլիական լծի տակ: Իսկ Անգլիան Ֆրանսիայի ամենամեծ թշնամին է: Դրա համար էլ Է. Մակրոնին դրեցին նախագահ, որ Ֆրանսիան քանդի:  

«ՀՈ ԵՐԵԽԱ ՉԵՍ, ԱՌԱՋԻՆ ԱՆԳԱՄ ԴԵՍՊԱՆ ԵՍ, ՄԻ ՔԻՉ ՔԵԶ ՊԱՀԵԼ ԻՄԱՑԻ»

— ՀՀ-ում Ֆրանսիայի դեսպան Օլիվյե Դեկոտինին սոցցանցում գրառում էր կատարել` ինքն էլ հնչեցնելով մեղադրանքներ Ձեր հասցեին…

— Նախորդ դեսպանը` Անն Լույոն չէր արձագանքում, որպեսզի ավելի մեծ ուշադրություն չդարձնեն: Իսկ սա անխելք է, լրիվ երեխա: Դեսպանը պետք է լինի սառը մարդ, որը պետք է մի քայլ անելուց առաջ` մտածի, այլ ոչ թե անկողնու մեջ պառկած լինի, ժամը 22:00-ին իր հեռախոսով կարդա, որ Լեո Նիկոլյանն իր մասին գրառում է կատարել ու այնքան գժվի, որ կատաղած ինքն էլ գրառում կատարի: Փաստորեն, պատերազմ է հայտարարում: Անգամ Ֆրանսիայի ԱԳ նախարարութունից են ասել` հո երեխա չես, առաջին անգամ դեսպան ես նշանակվել, մի քիչ քեզ պահել իմացի, ի վերջո, Ֆրանսիան ես ներկայացնում: Հիմա եթե ամեն մեկը, ով քո մասին բան գրի, իր նկարը պետք է հրապարակես ու վախեցնե՞ս, թե` դատի կտամ: Դե դատի տուր…

— Պարոն Նիկոլյան, ի՞նչ էիք գրել Օլիվյե Դեկոտինիի մասին, որ այդքան բարկացրել էր նրան:

— «Լավ» բան էի ցույց տվել` գաղտնի հանդիպումից նկար: Իսրայելա-պաղեստինյան պատերազմի ընթացքում Օլիվյե Դեկոտինին հանդիպել է ՀՀ-ում Իրանի դեսպանի հետ ու այդ հանդիպման մասին չի հայտարարել, այսինքն` հանդիպումը եղել է անօրինական, Ֆրանսիայի ԱԳ նախարարությունից թույլտվություն չի ունեցել: Բնական է, եթե հարցներ, հաստատ կասեին՝ մի հանդիպի: Այդ նկարն անգամ Օլիվյե Դեկոտինին չուներ, որտեղի՞ց ունեցա, դա այլ հարց է: Ինչո՞ւ եք թաքուն պահել, որ հանդիպում եք ունեցել, պարոն դեսպան, ի՞նչ եք խոսել: Չգիտեմ` ես հարց եմ տալիս: Գիտեք, Ֆրանսիայի համար Հայաստանը ոչինչ է, մի փոքրիկ գյուղ, շահ չունի այստեղ: Այո, ասում են, թե Հայաստանին պետք է օգնենք, պետք է զինամթերք տանք, բայց նույն ժամանակ Է. Մակրոնը ստորագրում է Ադրբեջանի ղեկավարության հետ պայմանագիր, որով Ֆրանսիան 23 միլիարդի ներդրում է անում: Իսկ Հայաստանում ի՞նչ ներդրում է անում, ոչինչ: Ի՞նչ են ուղարկում Հայաստան, «տռտռիկներ»:

ԽԼԱՄ «ՏՌՏՌԻԿՆԵՐ»` ՀԱՅԱՍՏԱՆԻՆ, 23 ՄԻԼԻԱՐԴ ԵՎՐՈՅԻ ՆԵՐԴՐՈՒՄ` ԱԴՐԲԵՋԱՆԻՆ

— Այդուհանդերձ, համաձայնեք, որ Ադրբեջանի նախագահը հենց այնպես չէ, որ  բավական կոշտ հայտարարություններով է հանդես գալիս Ֆրանսիայի հասցեին` Հայաստանին ուղղված իրենց աջակցության համար…

— Սա ընդամենը կոմեդիա է: Դեռ մանկուց ես տեսել եմ Ֆրանսիայի հեռուստատեսություններով քաղաքական հաղորդումներ, երբ մի քաղաքական գործիչ գալիս է եւ մյուս քաղաքական գործչի դեմ է խոսում, մենք էլ նայում էինք, թե ինչպես են վիճում մեծերը: Բայց երբ տեսախցիկներն անջատվում էին,  իրար ձեռք էին սեղմում ու հարցնում` լավ կռվեցինք չէ՞, դե արի գնանք հաց ուտենք, լավ փող կաշխատենք` ցույց տալով, թե բանավիճում էինք: Նույնն անում են Ալիեւն ու Մակրոնը: Հիմա պետք է, որ Ալիեւը ցույց տա, թե դժգոհ է, որ Ֆրանսիան Հայաստանին զենք-զինամթերք է տալիս: Իսկ իրականում Մակրոնը զանգել է Ալիեւին եւ ասել` գիտես ինչ, ախպեր ջան, Հայաստանում վարչապետ Նիկոլ Փաշինյան կա, ուզում ենք մի քիչ հակառուսական լինի, խաղացնում ենք, բայց քանի որ պետք է իրեն ցույց տանք ինչ-որ բան, իրեն խլամ «տռտռիկներ» ենք ուղարկում` տրանսպորտի համար մեքենաներ, բայց դրանք վտանգավոր չեն Ադրբեջանի համար, չմտածես: Այդ ռադարները տալիս ենք, բայց հրթիռները չկան, կարող են քո ինքնաթիռները մտնել Հայաստան, ոչնչացնել: Բայց դու այնպես արա, իբր վատ ես ընդունում: Ուղղակի, այդ «տռտռիկները», Իլհամ ջան, Աֆրիկան էլ այսօր չի առնում, Ուկրաինան էլ չի ուզում: Իսկ ոստիկանության համար շատ լավ է, կարող եմ քեզ էլ վաճառել: Չե՞ք ուզում, Դուք Էմիրաթներից եք առնում, ավելի լա՞վն է Տիտանը, դե` այո, շատ ավելի լավն են ու էժան: Լավ, միայն թե քեզ այնպես պահի, իբր նեղանում ես, ասա, որ Ֆրանսիայի պատճառով Կովկասում պատերազմ է լինելու, ինչ ուզում ես արա, քո նավթը, քո բենզինը, քո գազը, քո համով խավիարը մեզ համար ավելի կարեւոր են, քան Հայաստանը: Ուղղակի, հայերին մի քիչ պետք է ուրախացնենք, որովհետեւ առջեւում ընտրություններ ունենք, հայերի ձայները պետք է վերցնենք: Իսկ 23 միլիարդի ներդրումն էլ` քեզ,  մեծ ախպորդ` Էրդողանին էլ բարեւի: Սա է եղելությունը, ընդամենը` շոու:

ՀՐԱՆՏ ՍԱՐԱՖՅԱՆ

Այս թեմայով Ռուաստանում երբեք չեն մոռանա հայ ժողովրդի սխրանքները Հայրենական պատերազմում. դեսպան Հնդկաստանն Ադրբեջանից ապրանքների ներմուծման վրա արգելք է դրել. Պակիստանի դեսպան Պեդոֆիլի զոհը՝ Ֆրանսիայի նախագահ Մակրոնը, ելույթ ունեցավ Ֆրանսիայի Մեծ մասոնական օթյակի առջև. Մալոֆեեւ Դեսպան Քվինն ԱՄՆ քաղաքացիներին հորդորել է ՀՀ-ում ուղևորությունների ընթացքում մշտապես հետևել լրահոսին Ինչ հավաք է կազմակերպել Մեծ Բրիտանիայի դեսպանն իր հյուրատանը. «Իրավունք»