Ցավոք, նման դեպքեր եղել են և այսօր էլ կան․ փոխնախարարը՝ բանակում կատարվածի մասին
Հասարակություն
Լավ կլինի սպասենք, որ քրեական վարույթի շրջանակներում նախաքննական մարմինները տեղեկատվություն տրամադրեն։
Այս մասին ԱԺ-ում լրագրոփղների հետ ճեպզրույցում ասաց Պաշտպանության փոխնախարար Արման Սարգսյանը՝ պատասխանելով բանակում վերջին օրերին արձանագրված 2 սպայի մահվանը։
«Ցավոք, նման դեպքեր եղել են և այսօր էլ կան։ Պետք է սպասեենք և հետո կխոսենք քննության արդյունքների մասին»,- ասաց նա՝ այլ հարցերի չպատասխանելով։
Հիշեցնենք, որ բանակում մեկ օրում մահվան երկու դեպք է գրանցվել։ Հունվարի 9-ի առավոտյան պաշտպանական գերատեսչությունը հայտնեց, որ զորամասի մարտական դիրքում հայտնաբերվել է Կարեն Կարապետյանի դին՝ հրազենային վնասվածքով, երեկոյան նախարարությունը տեղեկացրեց երկրորդ զինծառայողի՝ ավագ լեյտենանտ Միքայել Դանիելյանի մահվան մասին։
ՔԿ-ի հաղորդմամբ՝ սպա Միքայել Դանիելյանը, ըստ նախնական տվյալների՝ մահացու վնասվածքը ստացել է իրեն ամրակցված ինքնաձիգից կզակի շրջանում արձակած կրակոցի հետևանքով։
Մյուսի մահվան դեպքի վերաբերյալ ՔԿ-ն հայտնել էր, որ մարտական դիրքում ինքնաձիգից արձակված կրակահերթից մահացու հրազենային վիրավորում է ստացել պայմանագրային զինծառայող, մարտական դիրքի պատասխանատու Կ․Կ․-ն։
1
31347 դիտում
2
11143 դիտում
3
2860 դիտում
4
1722 դիտում
5
1624 դիտում
