Այսուհետ պետությունը օնլայն կվերահսկի, որ մոլեխաղերից շահումների ընդհանուր մեծությունը կազմի խաղադրույքների 90 տոկոսը

Կառավարությունն իր այսօրվա՝ հունվարի 11-ի նիստում հավանություն տվեց «Խաղային գործունեության կարգավորման մասին», «Փողերի լվացման և ահաբեկչության ֆինանսավորման դեմ պայքարի մասին» օրենքներում փոփոխությունների նախագծերին:

ՊԵԿ նախագահ Ռուստամ Բադասյանը՝ ներկայացնելով փաթեթը նշեց. «Ասյ փաթեթով կարող ենք երկու նպատակ առաձնացնել. Առաջինը թափանցիկության ապահովումն է, որ խաղային գործունեության ոլորտում ընկերությունների գործունեության նկատմամբ հսկողությունը լինի առցանց եղանակով եւ առցանց ռեժիմով, եւ երկրորդը պատասխանատու խաղի կանոնների ներդրումն է: Առաջին նպատակի առումով նախատեսվում է ներդնել էլեյկտրոնային կառավարման համակարգ, ինը ենթադրում է կազմակերպիչների տեղեկատվական համակարգերի, ծրագրային միջոցների եւ տվյալների բազայի միացումը խաղային ոլորտի կառավարման էլեկտրոնային համակարգի մոնիտորինգային կենտրոնին: Ինչպես նաեւ համակարգին միացվող խաղային արտադրանքները պետք է համապատասխանեն միջազգային տեխնիկական ստանդարտներին եւ ունենան համապատասխան սերտիֆիկատներ: Ավելի պարզ ներկայացնեմ. Շահումով խաղի կազմակերպման ոլորտում գործունեություն ծավալող անձինք ցանկացած խաղային արտադրանք, ինչպես նաեւ օնլայն հարթակները պետք է սերտիֆիկացում անցնեն միջազգային հեղինակավոր լաբորատորիաների կողմից»,-ասաց Բադասյանը՝ հավելելով, որ մոնիտորինգային կենտրոնը օնլայն ռեժիմով տեղեկություններ կստանա կատարված խաղադրույքի, ստացված շահման մասին:

«Մենք նաեւ սահմանել ենք, որ արգելվում է օտարերկրյա պետություններում կազմակերպված խաղային գործունեության մասնակցության հնարավորություն ստեղծումը ՀՀ տարածքում:

Հաջորդ նորամուծություն այն է, որ մոլեխաղերի կամ ինտերնետ մոլեխաղերի կազմակերպման գործունեությունից ստացված հասույթի մեջ շահումների ընդհանուր մեծության ընդհանուր նվազագույն չափը պետք է կազմի 90 տոկոս: Սա նշանակում է, որ այսուհետ հնարավոր կլինի առցանց ռեժիմով ստուգել, թե արդյոք 90 տոկոս շահման կանոնը կա, թե ոչ:

Հաջորդ նորամուծություն այն է, որ մոլեխաղերի կամ ինտերնետ մոլեխաղերի կազմակերպման գործունեությունից ստացված հասույթի մեջ շահումների ընդհանուր մեծության ընդհանուր նվազագույն չափը պետք է կազմի 90 տոկոս: Սա նշանակում է, որ այսուհետ հնարավոր կլինի առցանց ռեժիմով ստուգել, թե արդյոք 90 տոկոս շահման կանոնը կա, թե ոչ:

Նչ վերաբերում է պատասխանատու խաղին, որ ներդրում ենք, դրանով մի շարք սահմանափակումներ ենք մտցնում, թե ով չի կարող մասնակցել շահումով խաղին: Խոսքը թե օնլայն, թե կենդանի մոլեխաղի մասին է: Դրանց չեն կարող մասնակցել 21 տարին չլրացած անձինք, պետական բյուջեից ֆինանսավորմամբ կամ համաֆինանսավորմամբ սուբսիդավորման ծրագրից օգտվող քաղաքացիները, նաեւ այն քաղաքացիները, որոնք հաշվառված են ընտանիքների սոցիալական գնահատման համակարգում, ընտանիքի անապահովության հիմքով իրականացվող ծրագրի շահառու են»,-ասաց ՊԵԿ նախագահը:

Իր հերթին Նիկոլ Փաշինյանը նշեց. «Մենք ասում ենք, որ եթե անձը ընտանեկան կամ աղքատության նպաստի համակարգում ընդգրկված է, ինքը չի կարող խաղադրույք անել: Դա վերահսկում ենք միասնական էլեկտրոնային օպերատորի համակարգի միջոցով:

Ռուստամյանը պարզաբանեց. «Եթե այդ անձը մոտենում է խաղատունը, խաղի կազմակերպիչը պարտավոր է նույնականացնել անձին: Եվ երբ մուտք ենք անում անձի տվյալները էլեկտրոնային կառվարման համակարգ, այնտեղ կերեւա, որ օրինակ, յդ անձը շահառու է պետական այսինչ ծրագրի շրջանակներում, եւ բնականաբար, մուտքը կարգելվի: Իսկ երբ օնլայն համակարգում խաղային հաշիվ բացվի, նույնը կիրականացվի նաեւ օնլայն համակարգի միջոցով:

Մենք նաեւ քննարկել ենք ալգորիթմային մոտեցում, եթե հետագայում ցանկանանք, որ եթե որեւէ մեկի համար ուզում ենք սահմանափակել, օրինակ, անձը չափից դուրս խաղադրույքներ է անում, ապագայում դրան եւս կարող ենք անդրադառնալ»: