Հա՛յ ժողովուրդ, եղի՛ր աչալուրջ եւ մի՛ թույլ տուր պղծեն մեր հանճարեղ Նժդեհի անունը. Գայանե Ներսիսյան

Մի խումբ երիտասարդներ հունվարի 1-ին ֆաշիստական սվաստիկայով, դրոշներով, հիտլերյան ժեստերով երթ եւ ակցիա էին իրականացրել Գարեգին Նժդեհի արձանի մոտ՝ զուգահեռներ տանելով նրա եւ ուկրաինացի նացիստական դահիճ Ստեփան Բանդերայի միջեւ: Թեպետ Նժդեհն ու Բանդերան ընդամենը մեկ ընդհանրություն ունեն՝ ծնվել են նույն օրը՝ հունվարի 1-ին: Այս մասին «Իրավունք»-ը զրուցել է Գարեգին Նժդեհի թանգարանի գաղափարական կենտրոնի պատասխանատու, ՀՀ վաստակավոր արտիստ ԳԱՅԱՆԵ ՆԵՐՍԻՍՅԱՆԻ հետ:

- Երկու օր առաջ համացանցում հայտնվեցին նողկալի նկարներ եւ տեսանյութեր, ինչը շատ-շատ ազնիվ հայերի մոտ առաջացրեց սոսկալի զայրույթ: Անհայտ անձինք համարձակվել էին մեր ժողովրդի անզուգական հերոսի՝ Նժդեհի արձանի մոտ նկարվել եւ լկտի անամոթությամբ՝ զուգահեռ անցկացնել մեր հանճարեղ Նժդեհի անձը Բանդերայի, Հիտլերի, Մուսոլինիի հետ:

Ես, իհարկե, չգիտեմ՝ ովքեր են այդ սադրիչները կամ լրտեսները, կամ պարզապես ստոր ոչնչություններն, ովքեր ավելի քան համոզված եմ՝ գումարով կատարում են պատվեր, փորձելով Ուկրաինայի սցենարով հասնել Հայաստանում արյունահեղության՝ շփոթության մեջ գցելով առանց այն էլ վեց տարի շփոթության մեջ ընկած հայ ժողովրդին:

Ես դիմում եմ մեր ժողովրդին՝ աչալուրջ լինել եւ թույլ չտալ նման ստորներին երբեւէ պղծել մեր հանճարեղ Նժդեհի անբիծ ու սուրբ անունը: Իսկ ես ավելի քան համոզված եմ, որ այդ արարածները հայեր չեն, այլ խառնածիններ են կամ, պարզապես, հայի ազգանուն կրող արարածներ, ովքեր մտածված անում են իրենց թշնամական չար գործերը:

Հա՛յ ժողովուրդ, եղի՛ր աչալուրջ եւ մի՛ թույլ տուր, որ թշնամիներն անեն իրենց չար գործերը: Ես, որպես հայուհի, դիմում եմ նաեւ ազգային անվտանգությանը՝ պարզել այդ նկարում եղած անձերի ինքնությունը, քանի որ դա անմիջապես ազգային անվտանգության գործառույթն է:

ՀՐԱՆՏ ՍԱՐԱՖՅԱՆ

Այս թեմայով «Հրապարակ». Գարեգին Պողոսյանի կադրային «ցունամին» կորպուսում ՔՊ-ականների մեջ չգտնվեց ինչ-որ մեկը, որ ունենար հային բնորոշ արժանապատվություն. Գայանե Ներսեսյան Բաքուն լուծում է հիմնարար խնդիր՝ հայերի վրա փակցնել «եկվոր ժողովրդի» պիտակ. Օկուպացված Արցախի պատգամավոր Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ ԱՄՆ-ի որոշումը շոկային ռեակցիա է առաջացրել ուկրաինացիների մոտ