Հուսով եմ` 2024 թվականը կլինի սթափության տարի. Հայկ Բաբուխանյան

Հուսով եմ, որ 2024 թվականը կլինի սթափության տարի: Ոտքներս չենք դնի նույն փոցխի վրա, որի կոթն ամեն անգամ ջարդում է մեր գլուխը:

Յուրաքանչյուր ՀՀ քաղաքացի, յուրաքանչյուր հայ առաջինն ինքը պետք է անձնազոհություն ցուցաբերի իր Հայրենիքի հանդեպ: Չպետք է մարդիկ փախնեն բանակից, փախցնեն իրենց երեխաներին, պետբյուջեից գողություն անեն, ավտոմեքենան այլանդակ կերպով վարեն, ծխեն եւ մնացորդը գետին նետեն ու միաժամանակ ասեն, թե հայրենասեր են: Հայրենասիրությունը պետք է սկսվի յուրաքանչյուր մարդու ամենօրյա վարվելակերպից, պահվածքից եւ գործողություններից: Երբ մարդիկ անձնազոհություն կցուցաբերեն իրենց երկրի նկատմամբ, այդ ժամանակ միայն կարող են պահանջել նույնը մյուսներից՝ այլ երկրներից, ժողովուրդներից, միջպետական միավորումներից:

Մինչեւ չհասկանանք, որ մեր բոլոր դժբախտությունների պատճառն ինքներս ենք, մինչեւ չհասկանանք, որ մեր բոլոր ձախողումների, կորուստների, պարտությունների պատճառն ինքներս ենք, մինչեւ չվերաբերենք մեր երկրին, որպես մեր ամենահարազատին եւ չթալանենք այն, չվաճառենք, չխուսափենք նրան օգնելուց, նրան ծառայելուց՝ մենք երբեք չենք ունենա պետականություն: Այս ամենը հասկանալուց հետո միայն կարելի է խոսել մեր երկրի ապագայի մասին:

Ցանկանում եմ, որ 2024 թվականին մեր ժողովուրդը լինի առաջինն առողջ, իրենց անձնական կյանքում՝ երջանիկ, որպեսզի յուրաքանչյուրը կարողանա իր ուժերի, մտքերի, կարողությունների մի մասը ներդնել մեր Հայրենիքի զարգացման, ուժեղացման եւ, ի վերջո, հաղթանակի համար:

ՀԱՅԿ ԲԱԲՈՒԽԱՆՅԱՆ

«Ուժեղ Հայաստան Ռուսաստանի հետ. հանուն նոր Միության»

շարժման գործադիր կոմիտեի անդամ,

ՍԻՄ կուսակցության նախագահ

Այս թեմայով Ղարաբաղի շարժումը ճակատագրական սխալ է եղել մեզ համար. Փաշինյան «Ուժեղ Հայաստան» կուսակցության Շիրակի գրասենյակներում խուզարկություններ են ընթանում Ի՞նչ լավ բան կարող ենք սպասել, սրանց ձեռքերը մինչեւ արմունկներն արյան մեջ են. Այվազյան ՌԴ ՊՆ–ն ֆիքսում է` Լատվիայից` ՆԱՏՕ–ից ռազմական հարված է եղել Ռուսաստանի ուղղությամբ, դա փաստագրված է Bloomberg. Զելենսկին Երեւանում ԵՄ ղեկավարներին հայտնել է, որ սպասում է Ռուսաստանի խոշոր հարձակման