Հայր Միքայելը խնդրեց անհարկի չշահարկել իր անունը համացանցում եւ մամուլում

Սոցցանցերում անհասկանալի աղմուկ է բարձրացել Տաթեւի վանական համալիրի վանահոր` Հոգեշնորհ Տ․Միքայել վարդապետ Գեւորգյանի անվան շուրջ: Անգամ ոմանք կոչեր էին հնչեցնում, որ ֆլեշմոբ պետք է սկսել` ի աջակցություն Հայր սուրբի, որպեսզի նա շարունակի իր ծառայությունը Տաթեւի վանքում, միայն թե պարզ չէր, թե ումից էին փորձում պաշտպանել Հայր Միքայելին:

Ավելի ուշ Մայր Աթոռ Սուրբ Էջմիածինը պարզաբանմամբ հանդես եկավ, որում մասնավորապես ասված է. «Նկատի ունենալով Հոգեշնորհ Տ․Միքայել վարդապետ Գեւորգյանի ծառայության շուրջ շահարկումները՝ հարկ ենք համարում պարզաբանել, որ Հայր Սուրբն առողջական խնդիրներով պայմանավորված՝ ներկայիս չի կարող Սուրբ Պատարագ մատուցել։ Հայր Միքայելը, որպես հոգեւոր սպասավոր, շարունակում է իր ծառայությունը բերել Տաթեւի վանքում։ Հորդորում ենք հավատացյալներին աղոթել Հայր Սուրբի առողջության համար»:

Թվում էր` այս հաղորդագրությունից հետո թեման, կարծես թե, փակված է, սակայն սոցցանցերում շարունակվեցին շահարկումները, նույնիսկ դավադրություն էին տեսնում այս ամենի մեջ` ընդդեմ Հայր Սուրբի եւ մեղադրում Մայր Աթոռին ապատեղեկատվություն տարածելու մեջ:

«Իրավունք»-ը ստեղծված իրավիճակի մասին փորձեց անձամբ Հոգեշնորհ Տ․Միքայել վարդապետ Գեւորգյանի պարզաբանումը ստանալ, սակայն նա հրաժարվեց հարցազրույցից` չցանկանալով անդրադառնալ սոցցանցերում տարածվող լուրերին եւ խնդրելով անհարկի չշահարկել իր անունը համացանցում եւ մամուլում:

Այդուհանդերձ, մեր ճշտող հարցին ի պատասխան` Հայր Սուրբը վերահաստատեց Մայր Աթոռի հաղորդագրության մեջ ասվածը, որ շարունակում է իր ծառայությունը Տաթեւի վանքում: Չցանկանալով մանրամասնել հիվանդության մասին լուրերը` հույս հայտնեց, որ, Աստծո կամոք, առողջական խնդիրները կարգավորելուց հետո` կշարունակի նաեւ պատարագ մատուցել:

Մեզ մնում է շուտափույթ առողջություն մաղթել Հայր Սուրբին, որպեսզի շարունակի իր ծառայությունը Տաթեւի վանական համալիրում:

ՀՐԱՆՏ ՍԱՐԱՖՅԱՆ

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Վիզ դրեք անցնեմ՝ դիլխոր չեմ թողնի. Խաղադրույքների սիրահար նախկին քաղաքապետն էլ է պայքարի մեջ մտնում Վիճաբանություն, դանակահարություն ու սպանություն Գյումրիում. տուժածները հայր ու որդի են, մահացել է որդին Եհովայի վկաները ՀՀ-ում համալիրն են վարձակալում, իսկ ՌԴ-ում` նրանց գույքն են բռնագրավում