Մարդը պետք է լինի բարձրագույն արժեք, եւ պետք է գիտակցի, որ պարտավոր է ապրել պետության կողմից դրված խաղի կանոններով. Աղմկահարույց գործերով փաստաբանը ձկնորսների շուրջ տեղի ունեցող իրադարձությունների մասին

Օրեր առաջ հանրության լուրջ քննարկման խնդիր դարձավ, թե ինչպես էին Նորատուս համայնքի ձկնորսները շրջապատել են ջրային պարեկների և «Սևան ազգային պարկի» ծառայողների 2 նավը: Որին հաջորդել էր ձնորսների բողոքի ակցիան, միջետական ճանապարհը կաթվածահար անելու դրսեւորմամբ: Իսկ պատճառը ոչ այլ ինչ է, քան դեկտեմբերի 15-ից սիգի որսի արգելքն էր, ձկնորսները դեմ էին որոշմանը և շարունակում են որս իրականացնել:

Որքանո՞վ էր իրավաչափ ձկնորսների եւ պետության գործողությունները, խնդրահարույց հարցերի ատասխանները ստանալու ակնկալիքով դիմել ենք հայտնի փաստաբան, «Լեվ Գրուպ» փաստաբանական ընկերության հիմնադիր ղեկավար ԼԵՎՈՆ ԲԱՂԴԱՍԱՐՅԱՆԻՆ, ով նախ արձանագրեց.

-Նախ արձանագրեմ, որ շատ բացասական միտում է նկատվում մարզերում ապրող բնակիչների կողմից` էս սարն իմն է, էն ծառն իմն է որդեգրած սովորույթով հանդերձ, եւ այս խնդրին կենտրոնական իշխանությունը պետք է շատ մեծ ուշադրություն դարձնի եւ ցանկացած նմանատիպ դրսեւորումների կենտրոնական իշխանությունը ունի պոզիտիվ պարտավորություն տոտալ իրավական գնահատակ տալու: Հակառակ պարագայում կարող է ամեն օր մեկը վեր կենա ճանապարհ փակի, բակ փակի եւ այլն:

Ինչ վերաբերում է իրավապահների կողմից անձանց ձերբակալելուն, ապա չունենալով տեղեկատվություն դրանց իրավաչափության վերաբերյալ կդժվարանամ կարծիք կազմել: Բայց այստեղ ուզում եմ ուշադրություն դարձնել մեկ այլ այլ կարեւոր հանգամանքի վրա: Եթե օրենքով սիգի որսի արգելքի ժամանակահատվածն է, ապա միանշանակ պետք է որսը դադարեցվի եւ ձկնորսները եւս դա պետք է ի գիտություն ընդունեն: Եվ ձկնորսների կամայական դրսեուորումը տվյալ դեպքում հարիր չէ իրավական երկրում:

Միեւնույն ժամանակ պտությունը ունի պոզիտիվ պարտավորություն, որ եթե անձին «հարկադրաբար» կտրում է օրվա ապրուստը  վաստակելու հնարավորությունից` ժամանակավոր փոխհատուցում տրամադրի: Այսինքն մարդը  պետք է լինի բարձրագույն արժեք, իսկ մարդն իր հերթին պետք է գիտակցի, որ ինքը ապրում է պետության կողմից դրված խաղի կանոններով:

Ամփոփեփելով խոսքը հայտնի փաստաբանը ընդգծում է.

-Արձանագրեմ,որ իրենց մեղքի ուրույն բաժինն ունի վարչական շրջանը, ով նման հարցերում պարտավոր է կամուրջ դառնալ պետական մարմինների և համայնքի բնակիչների միջև իր ողջամիտ առաջարկներով։