«Որքանո՞վ է ընդունելի, որ Մոսկվայում «Հայաստան-Ռուսաստան» ֆորում են անում, որտեղ ռուս 2-3 հոգի էին»

«Ռուսական գրքի տան» հիմնադիր Մհեր Ավետիսյանի նախաձեռնությամբ դեկտեմբերի 15-ին Մոսկվայում տեղի ունեցած «Հայաստան-Ռուսաստան» առաջին հանրային ֆորումից դժգոհ են մնացել ինչպես հայերը, այնպես էլ` ռուսները:

Russia-Аrmenia.info տեղեկատվական-վերլուծական կայքի գլխավոր խմբագիր, ռազմական լրագրող, հասարակական գործիչ ԱՐԱՄ ԽԱՉԱՏՐՅԱՆՆ անդրադառնալով վերոնշյալ ֆորումին՝ անկեղծացավ. «Ես եւս քննադատում եմ Նիկոլ Փաշինյանի ռեժիմը, այդ մասին հաճախ գրում եմ, նույնիսկ այս տարի, երբ գնացել էի Երեւան, ինձ թվում էր՝ ինձ էլ են «սեւ ցուցակ» գցելու: Բայց քննադատելով Փաշինյանին՝ չի՛ կարելի այդ ամենը նույնականացնել հայ ժողովրդի հետ: Սա բացասական երեւույթ է: «Հայաստան-Ռուսաստան» ֆորումում, ինչպես նկատեցիք, այնտեղ արդեն սեւ քննադատություն էր հնչում հենց Հայաստանի հասցեին: Էլի եմ ասում՝ այո՛, Փաշինյանը մեղավոր է ամեն ինչում, բայց, օրինակ, ասել, որ հայաստանյան դասագրքերում 30 տարի հակառուսականության մասին են գրել, սուտ է»:

Արամ Խաչատրյանը հիշեցրեց, որ Ռուսաստանի գիտությունների ակադեմիան ընդամենը 2 տարի առաջ հատուկ ընդգծել է, որ միայն Ռուսաստանում, Բելառուսում եւ Հայաստանում է, որ պատմության խեղաթյուրմամբ չեն զբաղվում եւ ներկայացնում են այնպես, ինչպես կա:

«Եկեք դատարկ տեղը հայաֆոբիա չտարածենք, քննադատենք Փաշինյանի ռեժիմը, ասենք, որ նա է հանձնել Արցախը, բոլոր դժբախտությունների մեղավորն ինքն է եւ եթե մնա իշխանության, էլի ողբերգություններ կլինեն, բայց չի կարելի սեւացնել հայ ժողովրդին: Ռուսաստանում հայ համայնքն այսօր պաշտպանում է Ռուսաստանին, 10 հազար հայ մասնակցում է պատերազմին, ունենք հերոս Անդրանիկ Գասպարյան, Հայկ Գասպարյան, որին Վ. Պուտինը մեդալ շնորհեց», - ասաց Խաչատրյանը:

Հայաստանի հետ բարեկամության եւ համագործակցության ռուսական ընկերության նախագահ ՎԻԿՏՈՐ ԿՐԻՎՈՊՈՒՍԿՈՎԸ եւս ուշագրավ մանրամասներ պատմեց տեղի ունեցած ֆորումից. «Հայաստան-Ռուսաստան» էր կոչվում, այսպես ասած, ֆորումը, բայց դահլիճում 92 տոկոսը հայ էին, իսկ քանի՞ ռուս կար: Եվ հակառակը՝ ելույթ ունեցողների մեջ քանի՞ հայ կար. նույն հարաբերակցությունն էր, միայն թե, հակառակը: Իսկ ո՞վ էր կազմակերպիչը… Դուք՝ հայերդ, բայց որքանո՞վ է ընդունելի, որ Մոսկվայում անցկացվում է նման ֆորում, որտեղ ռուս 2-3 հոգի էին: Հասարակական կազմակերպությունը նրա համար է, որ աշխատանք տարվի ժողովրդի հետ, մինչդեռ այսօր Ռուսաստանում շատերը նույնիսկ չգիտեն, որ հայերը քրիստոնյա են: Որտե՞ղ է հայկական լոբբին՝ տանիքներո՞ւմ, ասֆալտի՞ն են փռած: Ո՞ւր են հայ օլիգարխները, բանկիրները»:

ՀՐԱՆՏ ՍԱՐԱՖՅԱՆ

Մոսկվա-Երեւան

Այս թեմայով «Բենզին հողի դիմաց» օպերացիա. ԸՆԿԵՐ ՓԱՆՋՈՒՆԻ Բաքուն գիտի Վագիֆ Խաչատրյանի հիվանդության մասին. Եվրոպական դատարանում գերիների շահերի պաշտպանը Եթե ՔՊ-ն մնաց իշխանության, Էրդողանը կորոշի՝ ով կլինի ՀՀ Կաթողիկոսը. Արամ Սարգսյան Բռնությունը չունի արդարացում, մեղավոր է բռնարարը․ բլոգեր Հայկ Մկրտչյանը անդրադարձել է Մարի Պետրոսյանի սկանդալային միջադեպին «Ժողովուրդ». Հայկ Կոնջորյանի` շքեղ առանձնատան աղմկահարույց պատմությունը նոր զարգացում ունի