Ինչպե՞ս սնվել մրսածության դեպքում. բժշկի խորհուրդներ

Երբ մենք հիվանդանում ենք շնչուղիների սուր վարակներով, շատ կարեւոր է ոչ միայն ճիշտ բուժվելը, այլեւ ճիշտ սնվելը։ Դիետան հիվանդության ժամանակ պետք է հատուկ լինի, օրինակ, ավելի լավ է հրաժարվել մսից, քաղցր թեյից եւ մրգերից։ Այս մասին ասել է բժիշկ-սննդաբան Մարիա Մուխինան, տեղեկացրել է «Life.ru»-ն։

Շատ կարեւոր է որոշակի դիետայի պահպանումը, որը հավասար է կիսաքաղցելուն, որպեսզի վիրուսային վարակն սկսվելու պահից օրգանիզմին ոչ թե աղեստամոքսային տրակտի աշխատանքի վրա կենտրոնանալու հնարավորություն տալ, այլ էներգիա հաղորդել վիրուսի դեմ պայքարելու համար։

Բժիշկը թվարկել է սնվելու մի քանի կանոններ, որոնք կօգնեն բարելավել ինքնազգացողությունը մրսածության եւ գրիպի ժամանակ.

Պետք է նախաճաշել ժամը 12-ից ոչ շուտ։

Ավելի լավ է սնվել երկու անգամ եւ թեթեւակի, հատկապես երբ ջերմությունը բարձր է։

Պետք է խմել ոչ թե քաղցր թեյ, այլ ցանկալի է՝ խոտաբույսերից պատրաստված։

Պետք է լիովին հրաժարվել շաքարից եւ պարզ ածխաջրերից՝ հացից, մակարոնից, կարտոֆիլից, մրգերից, մեղրային, հատապտղային ըմպելիքներից եւ ալկոհոլից։ Մուխինայի խոսքով՝ ածխաջրերը բարձրացնում են գլյուկոզայի մակարդակը, որից սնվում են վիրուսները։

Մսից նույնպես ավելի լավ է հրաժարվել, բայց հավի արգանակը, հակառակը, շատ օգտակար կլինի։

Սննդաբաժնում պետք է ներառել կենդանական ճարպեր, որովհետեւ դրանցում կա արախիդոնային թթու, որը բարձրացնում է իմունիտետը։ Պատահական չէ, որ որոշ ժողովուրդներ թեյը խմում են ճարպով կամ կարագով։