Եռաբլուր. Ալլա Հակոբյան

Կատարում՝ Ալլա Հակոբյան

Խոսքերի հեղինակ՝ Ալլա Հակոբյան

Երաժշտության հեղինակ՝ Ալլա Հակոբյան

ԵՌԱԲԼՈՒՐ

1.

Աստիճաններ դամբանատուն` վերին դաս հրավիրող….

Եկեղեցի հողից ելնող` խաչով երկինք սլացող….

«Մահն իմացյալ` անմահություն», — սյուները գլխահակ՝

Հավերժության դարպասներին կանգնած պատվո պահակ….

Հայուհիներ` թագադրված արծաթափայլ վշտով….

Ադամանդներ դարեր ի վեր ծով աչքերից հոսող...

Մարգարիտներ հողը սնող` մայր-հողը պարարտող….

Հողից աճած, հողից կառչած կորյուններ պարգեւող….

Արծաթափայլ ճերմակ վարսեր քողի պես տատանող

Հեկեկացող, հեծկլտացող քամին ձեզ զուգակցող,

Սեգ լեռներից բեկոր հատած` տապանաքար դարձրած,

Սեւ տարեթիվ, բողբոջախաչ վրան փորագրած….

Հայուհիներ` թագադրված արծաթափայլ վշտով….

Ադամանդներ դարեր ի վեր ծով աչքերից հոսող...

Մարգարիտներ հողը սնող` մայր-հողը պարարտող….

Եւ կորյուններ ազգին ծնող….

2.

Չափասահուն ձեր քայլվածքին` զանգեր համահնչող….

Դողդողացող եւ կոշտացած մատներ խաչակնքող….

Ծեր իմաստուն չորցած շուրթեր` աղոթքը կրկնող,

Հայացքն հառած լուրթ երկնքին` լուռ պատասխան սպասող….

Հայուհիներ` չինար ծառեր` մայրեր մեր սիրասուն,

Ուռենու պես` կորագլուխ, կեռվել եք սիրասուգ,

Կռանահարված հայուհիներ` քարի մոտ կռացած,

Սիրտն ալետանջ եւ կարևեր հոգու խորքում թաքցրած….

Դողդողացող ծեր մատներով տապանաքար լվացող`

Ծով աչքերից հեղեղի պես հոսող արցունքներով…

Ծանր վշտից ազնվափայլ մայրեր ալեզարդված….

Սաղարթը ձեր ընդմիշտ թախծի ճերմակ ձյունով ծածկված….

Հայուհիներ` չինար ծառեր` մայրեր մեր սիրասուն,

Ուռենու պես` կորագլուխ, կեռվել եք սիրասուգ,

Կռանահարված հայուհիներ` քարի մոտ կռացած,

Ընդմիշտ ճերմակ ձյունով ծածկված….

3.

Հայ արծիվներ Եռաբլրում մայր-հողն իր գիրկն առած….

Հայտնի-անհայտ քաջ հերոսներ` մայր-հողն ազատագրած….

Ազնվադեմ հայ զավակներ` մայրեր դիմավորող,

Զգոն, մշտարթուն արծվի հայացք` մայր-հողը լուռ հսկող….

Հայուհիներ` թագադրված արծաթափայլ վշտով….

Դարեր ի վեր տառապանքի ճանապարհով քայլող,

Հողից ելնող եկեղեցում անվերջ մոմեր վառող….

Հույսը սրտում դողդողացող մատներ խաչակնքող….

Արծաթափայլ ճերմակ վարսեր` քողի պես տատանող,

Հեկեկացող, հեծկլտացող քամին ձեզ զուգակցող,

Սեգ լեռներից բեկոր հատած` տապանաքար դարձրած,

Սեւ տարեթիվ, բողբոջախաչ վրան փորագրած….

Զգոն, մշտարթուն հայ արծվիներ` մայր-հողը լուռ հսկող….

Նոր սերունդներ, նոր կորյուններ` առյուծներին փոխող….

Ազատ, անկախ Մայր-Հայաստան, քեզ կյանքն ենք մեր տվել

Եւ հավիտյան այստեղ լռել…

Եւ հավիտյան այստեղ լռել…

ԱԼԼԱ ՀԱԿՈԲՅԱՆ

Այս թեմայով Ինչպես փաՌատոները վերածվեցին փաՐատոների... Ի՞նչ իմաստ ունի զբաղեցնել այդ պաշտոնը․ ԶԱՐՄԱՆՔ Միայն ՌԴ-ն է ազնիվ եւ ուղիղ ասում, որ Արցախի հարցի փակման փորձերը թուլացնում են նաեւ ՀՀ-ն․ Հակոբյան Թեժ է լինելու․ ինչ է սպասվում 18 արդարների գործով դատական նիստին Նիկո՛լ, սա էլ կանցնի, Մխիթար Գոշի դատաստանով ես դատվելու. քաղաքացի