«Հրապարակ». Գաղտագողի երդվել է

«Հրապարակ» թերթը գրում է. «ՔՊ-ականները երեկ Ալավերդու համայնքապետարանում տասնյակ  կարմիր բերետավորների պաշտպանության ներքո իրականացրել են իրենց քաղաքապետացու Դավիթ Ղումաշյանի երդման արարողությունը։

Կարմիր բերետավորները պաշարել են համայնքապետարանի շենքը, թույլ չեն տվել, որ ավագանու անդամները եւ ալավերդցիները մուտք գործեն շենք, ապա ժամանել են ՔՊ ավագանու անդամները, մարզպետ Արամ Խաչատրյանը, Ալավերդու, Սանահինի, Հաղպատի մի քանի հոգեւորականներ եւ ափալ-թափալ երդման արարողություն են իրականացրել ու հեռացել։ Թե ինչպես են կազմակերպելու ավագանու հետագա աշխատանքները, երբ չեն համարձակվում մնալ համայնքապետարանում, մեր աղբյուրը կատակեց` ոստիկանների ուղեկցությամբ են գալու-գնալու աշխատավայր։

Առավել մանրամասն թերթի այսօրվա համարում