Իրավական անգրագիտությունը չափազանց բարձր մակարդակի է. Ալեքսանդր Կոչուբաեւ

Անդրադառնալով Ալավերդու համայնքապետարանում «համայնքապետի պաշտոնի զավթման» օպերացիային եւ այդ ընթացքում ոստիկանության գործողություններին` նախկին սպա, փաստաբան ԱԼԵՔՍԱՆԴՐ ԿՈՉՈՒԲԱԵՎՆ ասաց, որ դա եղել է ուղիղ քաղաքական հրահանգի կատարում:

— Ես, լինելով պաշտոնաթող սպա, շատ մեծ ցավով եմ արձանագրում, որ ոստիկանությունը քաղաքականացվածության այսպիսի բարձր աստիճան չի ունեցել երբեք։ Չեմ ցանկանում, որ խոսքս արատավորի ամբողջ համակարգը։ Այդ համակարգում եղել են եւ կան պրոֆեսիոնալներ: Իմ խոսքը չպետք է իրենց վիրավորի, բայց նրանք փոքրամասնություն են, որովհետեւ ոստիկանական համակարգում սկսել են մեծամասնություն կազմել անգրագետները։ Իրավական անգրագիտությունը չափազանց բարձր մակարդակի է: Եվ ես կցանկանայի ոստիկանապետ պարոն Վահե Ղազարյանին հորդորել` թող ինքը վերհիշի մինչեւ 2018 թվականը զբաղեցրած պաշտոններում իր գործողությունների իրավաչափությունը եւ մտաբերի, թե ինչ է անում հիմա ինքը: Վահե Ղազարյանը մոռացել է անցյալը, այն ձեռքբերումները, որ ոստիկանական համակարգը նաեւ իմ եւ իր աշխատանքի շնորհիվ բերել է արդյունքի: Իսկ այսօր, ես չեմ վախենում այդ խոսքից, քաղաքականացվածության այսպիսի բարձր մակարդակ ոստիկանությունը չի ունեցել երբեք: Ոստիկանություն ասելով` պետք է հասկանալ «կարմիր գլխարկներ» կրող ծառայողներին: Իսկ իրականում նրանք բոլորը պոտենցյալ մեղադրյալներ են, քանի որ ես այնտեղ չեմ տեսնում ոստիկանության լիազորություններին բնորոշ գործողություններ: Սրանք ընդամենը քաղաքական իշխանությանը պահելու, պահպանելու առաջամարտիկներ են, որոնք հրամանի մեթոդի եւ միջոցների միջեւ որեւէ տարբերություն չեն դնում եւ կատարում են գործնականում ցանկացած  հրաման: Եվ ես չափազանց վրդովված եմ պարոն Ղազարյանի խոսքից, թե համակարգը, բարեվարքության, իրավաչափության տեսանկյունից թեկուզ մեկ ձեռքբերում ունի: Հակառակը` ունենք հսկայական նահանջ: Նույնը վերաբերում է պարեկային ծառայությանը: Լավն էր, թե վատն էր Ճանապարհային ոստիկանությունը, բայց գոնե ունեինք կայացած համակարգ։ Այս համակարգը ամբողջովին կազմաքանդելը եւ պարեկային ծառայություն ստեղծելը հասկանալի է, որ արվեց Եվրոպայից բազմաթիվ գրանտներ ուտելու համար, բայց կայացված համակարգ է քանդվել, եւ տեղը ձեւավորվել է պարեկային ծառայություն, որոնք անգամ տարրական հարգանք չունեն իրենք իրենց մեջ, իրենք իրենց գործընկերների նկատմամբ։ Մի փոքր էլ «հաբռգածություն» կա։ Պարեկները կարող են քաղաքացուն ծեծել, հայհոյել, քաշքշել, հարվածել, եւ արդյունքում քաղաքացին դատապարտվի անազատության:

Այս թեմայով Հակակոռուպցիոն կոմիտեի կողմից ձերբակալված փաստաբանը Էդգար Հակոբյանն է Չշփոթել իշխանությունը իրավունքի հետ, օրենքը՝ կամայականության հետ, իսկ լռությունը՝ խաղաղության հետ Լևոն Բաղդասարյանի կողմից հնչեցված յուրաքանչյուր գնահատական ինձ համար առանձնահատուկ արժեք ունի. Հրանտ Սարաֆյանի շնորհակալական խոսքը Լրջագույն խնդիր, որի պատասխանատուն ու կրողը քաղաքային իշխանությունն է Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին