ՌԴ-ում ձերբակալվել են հատուկ նշանակության ուժերի բարձրաստիճան անդամներից կազմված բանդայի պարագլուխներ (Տեսանյութ)

Բերման է ենթարկվել ավելի քան 20 տարի աղմկահարույց հանցագործություններ կատարած անվտանգության եւ հատուկ նշանակության ուժերի աշխատակիցներից բաղկացած բանդան: Այս մասին հայտնել է ՆԳՆ-ն:
1998 թվականից ծանր հանցագործություններ կատարած խմբավորման անդամների թվում եղել են Ռուսաստանի գվարդիայի հատուկ նշանակության ջոկատների ակտիվ սպաներ, ասել է Պետդումայի պատգամավոր Ա.Խինշտեյնը։
Նրանց թվում են Արագ արձագանքման «Рысь» հատուկ ջոկատի շտաբի պետ Ալեքսեյ Ալպատովը և Ոստիկանության հատուկ նշանակության ուժերի գլխավոր վարչության հետախույզ Սերգեյ Վոլոստնիխը (Ներքին գործերի նախարարության թմրամիջոցների վերահսկման համար հատուկ նշանակության ջոկատի` «Գրոմի» նախկին աշխատակից):
Բերման է ենթարկվել ընդհանուր առմամբ 15 մարդ, այդ թվում՝ խմբի ղեկավարը, բանդայի մեջ են եղել ՆԳՆ ակտիվ աշխատակիցներ, այդ թվում՝ հատուկ նշանակության ուժերի և ճանապարհային ոստիկանության ստորաբաժանումներից, ներքին զորքերից և բանակից, ինչպես նաև քաղաքացիական անձինք։
Կազմակերպված հանցախումբը կատարել է առնվազն 30 հանցագործություն՝ սկսած 2002 թվականին Օդինցովոյում երկաթուղու և կապի նախարարի խորհրդականի սպանությունից, 2002 թվականին Մոսկվայում ընկերության սեփականատիրոջ և նրա հաշվապահի առևանգումն ու սպանությունից։ Բանդան մեղադրվում է նաեւ 2003 թվականին Մոսկվայում Պետդումայի ապարատի խորհրդատու, 2002-2003 թվականներին քրեական հիերարխիայում բարձր դիրք զբաղեցնող մի քանի անձանց,  2004 թ.-ին Մոսկվայի Կրասնոգվարդեյսկի շուկայի սեփականատերը և նրա գործընկերը սպանությունների մեջ եւ այդպես շարունակ: