Դժբախտությունները կթափվեն բոլոր կողմերին, եղբայրը եղբոր դեմ դուրս կգա, մայրերը կթողնեն իրենց երեխաների․ Սարսափազդու կանխատեսում

Աշխարհում ներկայիս իրադարձությունները բուլղարացի հայտնի պայծառատես Վանգայի կանխատեսումներին նոր իմաստ են հաղորդում, գրում է Комсомольская правда-ն։

Շատ մարդիկ կտուժեն։ Դժբախտությունները կթափվեն բոլոր կողմերից, կվերաբերվեն բոլոր ազգերին։ Մարդիկ կքայլեն բոկոտն ու մերկ, կլինեն քաղցած, կապրեն առանց վառելիքի և լույսի»,- գուշակել է Վանգան նախորդ դարի 80-ականներին։

Դեռևս մի քանի տարի առաջ մեկնաբանները ենթադրում էին, որ խոսքը համաշխարհային տնտեսական ճգնաժամի մասին է։ Սակայն գուշակությունը կատարվեց այլ կերպ. դա այժմ բացահայտ է, գրում է լրատվամիջոցը։ Վանգան մի քանի տասնամյակ առաջ «տեսել» էր ներկայիս փախստականների ամբոխները։ Կարծես, նա գիտեր նաև պատճառը՝ պատերազմը, որը սկսել է Արևմուտքն Աֆրիկայում և Մերձավոր Արևելքում։

1978-ին Բոյկա Ցվետկովան, ով գրանցել է Վանգայի բոլոր խոսքերը, ձայնագրել է գրեթե չկապակցված խոսքեր՝ «Կգան ծանր ժամանակներ։ Մարդիկ կբաժանվեն հավատքի առումով։ Սիրիան կընկնի հաղթողի ոտքերի մոտ, սակայն հաղթողն այն չի լինի»։

Նա նաև գրանցել է Վանգայի հետևյալ խոսքերը՝ «... եղբայրը եղբոր դեմ դուրս կգա, մայրերը կթողնեն իրենց երեխաներին։ Յուրաքանչյուրը փրկվելու միջոց կփնտրի միայնակ»։

Վանգայի կանխատեսումների համաձայն՝ մինչ 2043թ. Եվրոպայում կիշխեն մուսուլմանները։ Այս և քիմիական պատերազմի մասին գուշակությունները ներառված են ընդհանուր «ցուցակում», որում նշված են Երկրի պատմության հիմնական պահերը մինչև 5079թ.։ Ի դեպ, այդ թվականին էլ նշված է «աշխարհի վերջը»։

«Ցուցակի» հեղինակն է համարվում Վանգան։ Սակայն արդյո՞ք նա է դա հորինել։ Այս հարցի պատասխանները տարբեր են։ Ոմանք հավատում են, մյուսները՝ վստահեցնում են, որ դա կեղծված է։ Ինչևէ, «ցուցակում» կան նաև չիրականացված կանխատեսումներ։

«Երրորդ համաշխարհային պատերազմը կսկսվի 2010թ. նոյեմբերին և կավարտվի 2014թ. հոկտեմբերին։ Կսկսվի այն սովորական, այնուհետև կկիրառվի նախ միջուկային, իսկ հետո քիմիական զենք»,- իբրև թե կանխատեսել է Վանգան։