Միշտ փառք Աստծուն. Ալլա Հակոբյան

Կատարում՝ Ալլա Հակոբյան

Խոսքերի հեղինակ՝ Ալլա Հակոբյան

Երաժշտության հեղինակ՝ Ալլա Հակոբյան

ՄԻՇՏ ՓԱՌՔ ԱՍՏԾՈՒՆ

Նորից ստորություն...

Հիասթափություն...

Իմ հոգին ապշած

Եւ խիստ զարմացած...

Եւ դեռ ասում եք,

Որ հնազանդ լինեմ

Եւ կյանքում այս պիղծ

Երբեք չսրտմտեմ...

Դե, ձեզ եմ լսում,

Ինձ սովորեցրեք...

Եւ հոգիս հախուռն

Հնազանդեցրեք...

Բայց չեմ ուզում, ո՛չ,

Ձիու նմանվել՝

Սանձերը գցած

Եւ գոմում կապած...

Չեք բավարարում

Ձեր քարոզներով,

Իմ «Ես»-ը գետնին

Ոտնահարելով...

Հարցերս շատ են՝

Պատասխանն է մեկ.

«Դու չես իմանա

Գաղտնիքը երբեք...

Փորձիր հանդարտվել

Եւ հնազանդվել   

Ու բոլորի պես

Մեկ ուղղով քայլել:»

«Չէ՛, ես չե~մ կարող

Բոլորի նման

Խարխափել կյանքում՝

Միշտ ստվերում անբան...

Լույս տվեք աչքերիս՝  

Որ չկուրանամ,

Ջուր տվեք շրթերիս՝

Որ չչորանան

Հույս տվեք սրտիս՝

Որ չկարծրանա,

Եւ հավատ տվեք՝

Հոգիս չուրանա...

Թարմ քամիներով

Թող նոր սերմ բերվի,

Աղբյուրա ջրով

Կանաչի, փթթի...

Նրա ստվերի տակ

Ես նստեմ խորհեմ

Եւ Աստծուն դիմեմ,

Աստծուն աղաչեմ.

«Ջրով կենարար

Թող ալիք ծնվի

Եւ սուտը կյանքի

Լվանա տանի»...  

Միգուցե այնժամ

Ես կհանդարտվեմ,

Խաղաղված հոգով

Աստծոն կտրվեմ...

Ու երբ որ Նա գա՝

Ոսկեզօծ փառքով

Հրավառ լույսով,

Բյուր հրեշտակներով՝

Տապալվեմ գետնին՝

Չշնչեմ անգամ,

Եւ սպասեմ Դատին՝

Ինչ կասի Արքան»

Եվ գերբնական

Այդ պահին վսեմ

Սիրտս կճեղքվի՝

Արյունոտ մի վեմ...

Եւ հե՛նց իմ սրտի

Արյան հեղեղով,

Սուրբ Երրորդության

Կենարար ուժով

Հոգիս կճախրի

Ու կհասկանամ,

Որ ապրում եմ ՝ կամ...

Ես ապրում եմ՝ կամ՝

Աստծո շնորհով,

Նրա կամքով...

Աստծո լույսով՝

Նրա հույսով...

Եւ «Փառք Աստծո»

Կաղաղակեմ...

«Միշտ Փառք Աստծո», —

Արձագանքը կլսեմ...

Եւ «Փառք Աստծո

Հավիտենից...»

«Միշտ Փառք Աստծո՝

Հավիտյանս

Հավիտենից»

Ամեն...

ԱԼԼԱ ՀԱԿՈԲՅԱՆ

Այս թեմայով Քաղաքական շաբաշ՝ փոխադարձ մեղադրանքներով           Աղազարյան ж законе. ԸՆԿԵՐ ՓԱՆՋՈՒՆԻ Այս սերունդը կարող է եւ պատրաստ է ստեղծել հայոց նոր ոսկեդար. Հայկ Բաբուխանյան «Ժողովուրդ». Կանանց թաքուն պայքարը գործադիրում՝ 2026-ի ընտրություններին ընդառաջ Թուրքիայի Ազգային անվտանգության խորհրդի նիստում քննարկվել է Ադրբեջանի և Հայաստանի միջև խաղաղության գործընթացը