Չեմ կարող լռել... Ալլա Հակոբյան

Կատարում՝ Ալլա Հակոբյան

Խոսքերի հեղինակ՝ Ալլա Հակոբյան

Երաժշտության հեղինակ՝ Ալլա Հակոբյան

ՉԵՄ ԿԱՐՈՂ ԼՌԵԼ...

Չեմ կարող լռել…

Բայց չեմ ուզում խոսել…

Հասկացող է պետք...

Ես հոգնել եմ…

Այս անիրական

Ծուռ հայելիների

Խեղկատակ կյանքից

Պարտասել եմ:

Աչքս ուր դարձնեմ`

Ամենուր նրանք`

Անտարբերությամբ դաջված

Անհոգի դեմքեր:

Ժպիտներ լպիրշ,

Հայացքներ անգո,

Ամեն ինչից գոհ ամբոխ

Ինձ հետապնդող:

Եւ ո՞ւր ենք քայլում`

Գոնե մեկն ասեր,

Թեկուզ եւ խաբեր,

Բայց հույսով տածեր…

Սակայն ո'չ մի լույս,

Նույնիսկ փոքրիկ հույս`

Խավարով պատված

Գորշ հոգիներում:

Ճնշող դիմակներ,

Տաղտկալի զրույցներ...

Նորին մեծություն,

Ո~վ տգիտություն,

Մարդկանց վրայով

Ուղի ես հարթում...

Կյանքեր խորտակում...

«Օ~ֆ» էլ չես անում...

Բայց լավ իմացիր`

Կծնվի զավակ`

Մաքուր բյուրեղյա,

Լսո՞ւմ ես, անառա'կ,

Եւ կտապալի

Խավարը այս գորշ,

Քնից կարթնացնի

Մարդկությանը ողջ:

Վարդերի նման

Կբացվեն սրտեր,

Ու կմիանան իրար

Կամուրջ-ծիածաններ:

Եւ ճշմարտության

Մաքուր ցողերով

Ողողված դեմքիդ կասեմ.

«Եկար բարով»:

Եւ ճաճանչալից

Հեռու աստղերից

Լույսը ինձ հասած կասի`

«Ապրի՛ր դարով»:

Եւ ճաճանչալից

Հեռու աստղերից

Լույսը ինձ հասած կասի.

«Ապրի՛ր բարո~վ»:

ԱԼԼԱ ՀԱԿՈԲՅԱՆ

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Զգույշ եղեք համակարգիչների և այլ բարդ տեխնիկայի հետ․ սեպտեմբերի 19-ի աստղագուշակ CNN. ԱՄՆ-ն քիչ էր մնացել, որ պատերազմ սկսեր Չինաստանի հետ Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը Թրամփը ստորագրեց «դժոխային պատժամիջոցների» օրենքը Ռուսաստանի դեմ