Հայաստանի ազգային հավաքականի գլխավոր մարզիչ Ալեքսանդր Պետրակովը նախախաղային ասուլիսում անդրադարձել է Ուելսի հավաքականի դեմ Եվրո-2024-ի որակավորման մրցաշարի նախավերջին տուրի հանդիպմանը.
«Վաղվա խաղում ֆավորիտ չեմ համարում մեր թիմին, երբեք չի լինում նախորդ խաղի կրկնություն։ Որքան էլ ցանկանանք, լինելու է այլ հանդիպում։ Բաց հանդիպում չի լինելու, քանի որ թիմերը խաղալու են արդյունքի համար։ Իսկ թե ինչիպիսին կստացվի խաղը, չեմ կարող կանխատեսել։
Ինձ չի հետաքրքրում Ուելսի հավաքականը, ինձ հետաքրքրում է Հայաստանի հավաքականը։ Հաղթելու տարբերակներ միշտ կան, սակայն որևէ մարզիչ այդ մասին լրագրողներին չի պատմում խաղից առաջ։
Ցավոք, Հայաստանը հարուստ չէ ֆուտբոլիստներով, որպեսզի հաճախ փորձարկենք նոր խաղացողների։ Մենք չունենք մեծ ընտրություն։ Եթե լինում են Եվրոյի որակավորման փուլի մակարդակին համապատասխանող խաղացողներ, ես նրանց հրավիրում եմ»,- ասել է ուկրաինացի մասնագետը։
Հայաստան - Ուելս հանդիպումը կկայանա նոյեմբերի 18-ին Վազգեն Սարգսյանի անվան «Հանրապետական» ստադիոնում ու կմեկնարկի ժամը 18։00-ին։
Այլ թեմաների մասին` տեսանյութում
1
31296 դիտում
2
10292 դիտում
3
2664 դիտում
4
1768 դիտում
5
1670 դիտում
