Նոր Հայաստանում դպրոցի տնօրեններին վերապատրաստում են օդից բռնած հկ-ներ, որոնք նույն օրենքով այլեւս լիազորված չեն.ՍԿԱՆԴԱԼ

Պարզ­վում է, որ նոր Հա­յաս­տա­նում դպոց­նե­րի տնօ­րեն­նե­րի վե­րա­պատ­րաս­տու­մը` հե­տա­գա­յում ա­տես­տա­վոր­ման նպա­տա­կով, ի­րա­կա­նաց­նե­լու են ոչ թե գիտ­նա­կան­ներ, կամ պե­տա­կան մար­մին­ներ, այլ ըն­դա­մե­նը կա­մա­յա­կան ընտր­ված ՀԿ-ներ: Ա­ռանց ատես­տա­վոր­վե­լու, տնօ­րե­նը նաեւ պաշ­տո­նին մնալ չի կա­րող: Եվ ստաց­վում է, որ այդ ՀԿ-­նե­րից է կախ­ված լի­նե­լու, թե ով­քեր են ղե­կա­վա­րե­լու հա­յաս­տան­յան դպրոց­նե­րը, ըստ այդմ, նաեւ կրթութ­յան ո­րա­կը, ե­թե միայն այդ տեր­մի­նը հա­յաս­տան­յան կրթութ­յան դեպ­քում տե­ղին է:

Ու­րեմն, այդ ի՞նչ ա­մե­նա­զորՀԿ -­ներ են, որ դրան­ցից է կախ­ված դառ­նա­լու հա­յաս­տան­յան դպրոց­նե­րի ճա­կա­տա­գի­րը: Վե­րա­պատ­րաս­տում­ներ ի­րա­կա­նաց­նե­լու նպա­տա­կով ե­րաշ­խա­վոր­վել է 19 կազ­մա­կեր­պութ­յուն: Ինչ­պե՞ս են ընտր­վել կազ­մա­կե­րպութ­յուն­նե­րը, եւ ո՞վ է ե­րաշ­խա­վո­րում, որ նրանց ընտ­րութ­յու­նը  թա­փան­ցիկ է եւ օ­րի­նա­կան: Ի՞նչ ըն­թա­ցա­կար­գով է հաս­տատ­վել հան­րակր­թա­կան ու­սում­նա­կան հաս­տա­տութ­յան ղե­կա­վար­ման ի­րա­վունք (հա­վաս­տա­գիր) ստա­նա­լու վե­րա­պատ­րաս­տում­ներ ի­րա­կա­նաց­նող կազ­մա­կեր­պութ­յուն­նե­րի ցան­կը: Ինչ­պե՞ս են ընտ­րե­լու այս մե­կին եւ ոչ թե այն մյու­սին: Արդ­յոք այդ ՀԿ-­նե­րը դրանց ընտ­րող­նե­րի ոչ տե­սա­նե­լի սե­փա­կա­նութ­յու­նը չե՞ն լի­նի, եւ այդ­պես շա­րու­նակ: Այս հար­ցե­րը դառ­նում են ա­ռանց­քա­յին, քա­նի որ, բա­ցի կրթա­կան հա­մա­կար­գը մին­չեւ վերջ ոչն­չաց­նե­լու հե­ռան­կա­րից, այդ կազ­մա­կեր­պութ­յու­ննե­րը կա­րող են նաեւ կո­ռուպ­ցիա­յի որջ դառ­նալ:

Այս հար­ցե­րի պա­տաս­խան­նե­րը փոր­ձել էինք ստա­նալ ԿԳՄՍ նա­խա­րա­րութ­յու­նից, որ­տե­ղից մեզ խնդրե­ցին հար­ցը գրա­վոր ու­ղար­կել: Իսկ, պատասխանը առավել քան կասկածելի էր, մասնավորապես պարզվում է, որ սույն օրենքը չեղարկվել է դեռեւս հուլիս ամսին: Իսկ, հարցին, թե ինչպես է ստազվում, որ վերը նշված հկ-ը շարունակում են վերապատրաստել տնօրեններին, պատասխանեցին.«Չկա նման բան, եթե ունեք փաստ, խնդրեմ թող ներկայացվեն տնօրենների կողմից»։