Ճամբարափոխության հետեւանքով հակամարտության թատերաբեմ կդառնա Հայաստանը. Ռուստամյան

Նիկոլ Փաշինյանը Բելառուսի նախագահ Ալեքսանդր Լուկաշենկոյին տեղեկացրել է, որ չի կարող մասնակցել նոյեմբերի 23-ին Մինսկում կայանալիք ՀԱՊԿ Հավաքական անվտանգության խորհրդի նիստին: Ըստ ԱԺ «Հայաստան» խմբակցության պատգամավոր ԱՐՄԵՆ ՌՈՒՍՏԱՄՅԱՆԻ` արդեն որերորդ դեպքն է, որ Հայաստանն առաջին դեմքերով չի մասնակցում ՀԱՊԿ-ի կամ ԱՊՀ-ի միջացառումներին, ինչն այլ կերպ, քան դիվանագիտական դեմարշ անվանել դժվար է:

— Իհարկե, կհասկանայի, եթե Հայաստանի քաղաքականությունն այն է, որ մեկի հետ չի ստացվում, մյուսով փոխլրացնենք` մեր անվտանգության ծավալը ապահովելու համար: Բայց այստեղ ավելի շատ խոսքը ոչ թե փոխլրացման մասին է, այլ ճամբարափոխության: Սա շատ ծանր հետեւանքներ կարող է ունենալ Հայաստանի համար, որովհետեւ մենք, ըստ էության, փոխում ենք ճամբարը այն ժամանակ, երբ ակնհայտ գոյություն ունի Ռուսաստան-Արեւմուտք հակամարտություն: Մենք այդ հակամարտությունը տեղափոխում ենք մեր տարածք: Սա կործանարար հետեւանքներ է ունենալու Հայաստանի համար: Մենք իրավունք չունենք այդ հակամարտության զոհը դառնալ: Այսօր գործող աշխարհակարգը փլուզվել է, ով ուժեղ է, նա իր կամքը թելադրում է եւ այդ առումով, մենք չպետք է այնպես անենք, որ այդ ուժերը մեր դեմ դուրս գան: Մենք երբեք դեմ չենք եղել, որ այն, ինչ չենք ստանում Ռուսաստանից, ստանանք այլ տեղերից, բայց ոչ թե մեկը մյուսով փոխարինելով` այն էլ այն ժամանակ, երբ այդ երկու կողմերը հակամարտության տարբեր բեւեռներում են գտնվում: Այդ ճամբարափոխության հետեւանքով հակամարտության թատերաբեմ կդառնա նաեւ Հայաստանը, այսինքն` ամեն մեկը կփորձի իր խնդիրը լուծել` Հայաստանին օգտագործելով: Մենք կդառնանք ոչ թե գործոն, այլ գործիք սրա կամ նրա ձեռքում: Ռուսաստանը չի ուզի Հայաստանին պատժել, բայց ուզում է այս հակամարտությունում հաղթել, իսկ այս պատերազմում ռուսները խոսք ունեն` «Лес рубят – щепки летят»: Եթե իրենք սկսել են անտառը կտրատել, թեփուկները թռնում են այս ու այն կողմ: Մենք չպետք է հայտնվենք այդ  թեփուկների վիճակում: Աշխարհաքաղաքական հարց է լուծվում, այդ կռվի մեջ մենք պետք է կարողանանք ճիշտ պահել մեզ, որ հարվածներ չստանանք այս ու այն կողմից: Եթե համարում ենք, որ ռուսները մեզ լավ բարեկամություն չեն արել, ինչու ենք ստիպում, որ մեզ դառնան թշնամի: Տեսեք, նույն ԵՄ դիտորդները առնվազն մինչեւ հիմա չեն կարողացել կանխել այն, ինչը տեղի է ունեցել մեր սահմանների վրա: Հիմա ես չեմ տեսնում, որ ԵՄ դիտորդների առկայությունը բավարար է, որ համարենք, թե այդ խնդիրը լուծվեց: Բայց դա առաջացրեց խնդիր նույն Իրանի եւ Ռուսաստանի հետ:

Այս թեմայով Տիրադավների կարապի պարը Նախընտրական բենզին՝ ադրբեջանական բույրով ՔՊ նախընտրական ցուցակում հայտնվելու են հայտնի նախկին-ներկաներ. ԲԱՄԲԱՍԱՆՔ Գնացեք կառույցներ ստեղծեք ու պայքարեք Նիկոլի դեմ,ոչ թե կախվեք պաշտոնաթող նախագահներից Կոֆե դնողների իշխանությունը