Ինչո՞ւ արցախահայության վերադարձը իր բնօրրան չեք դարձնում կենսական օրակարգ. Իսրայելյանը դիմել է Արցախի իշխանություններին

«Վերածնվող Արցախ» շարժման ղեկավար եւ «Արցախ-Հայաստան-Սփյուռք» միավորման համակարգող ԱՆԱՍՏԱՍ ԻՍՐԱՅԵԼՅԱՆԸ հանդես է եկել հայտարարությամբ, որում մասնավորապես ասված է.

Սեպտեմբերի 21-ից սկսած․

1․ Արցախի Հանրապետության վարչական մարմինը գտնվում է ֆորս-մաժորի մեջ,

2․ Հայության իրավաքաղաքական ներուժը գտնվում է ճգնաժամի մեջ,

3․ Արցախահայությունը գտնվում է քաղաքական անտերության մեջ։

2023 թվականի սկզբներին «Վերածնվող Արցախ» շարժմանը հաջողվեց միավորել 30-ից ավել կազմակերպություններ եւ Ստեփանակերտում ձեւավորեց «Արցախ-Հայաստան-Սփյուռք» գործողությունների նոր հարթակ։

2023 թվականի մայիսի վերջին Արցախի Ազգային Ժողովին, կառավարությանը եւ նախագահին փոխանցվեց «Արցախ-Հայաստան-Սփյուռք» միավորման առաջարկը՝ Արցախը ճգնաժամից դուրս բերելու եւ Ադրբեջանի հետ ուղիղ բանակցություններ սկսելու ծրագիրը, որը տեղադրվեց ԱԺ կայքի նամակների բաժնում։

Մենք ցանկանում էինք իշխանական համակարգին ահազանգել առ այն, որ Արցախի Հանրապետությունը կանգնած է կործանման եզրին։ Սակայն իշխանական համակարգը որեւէ նպատակային քայլ չկատարեց Արցախի կործանումը կասեցնելու համար։

Որպես «Վերածնվող Արցախ» շարժման ղեկավար եւ «Արցախ-Հայաստան-Սփյուռք» միավորման համակարգող՝ դիմում եմ Արցախի Հանրապետության իշխանություններին, Ազգային Ժողովին եւ հարցնում եմ՝

1․ Ինչո՞ւ արցախահայության վերադարձը իր բնօրրան՝ Արցախ, քաղաքական ուժերի համար չեք դարձնում կենսական օրակարգ,

2․ Ինչու՞ իշխանությունների անգործության հետեւանքով հայ ժողովուրդը եւ մասնավորապես արցախահայությունը տասը ամիս ենթարկվեց քաղաքական շրջափակաման, զրկանքների եւ սովամահության, որից հետո բռնահանվեց իր մի քանի հազարամյա բնօրրանից, իսկ բնօրրանը բռնազավթեց թշնամին։

3. Ինչո՞ւ խմբակցությունների ղեկավարները, պատգամավորները եւ բոլոր շահագրգիռ կողմերը չհրավիրեցին ԱԺ արտակարգ նիստ՝ շրջանցելով, որ Ազգային Ժողովը ձեւավորված է Արցախի Հանրապետության ժողովրդի քվեի միջոցով, եւ այն կարող է իր աշխատանքները դադարեցնել միայն ժամկետը լրանալուց կամ մանդատները վայր դնելուց հետո:

Ելնելով ստեղծված իրավիճակից, հիմք ընդունելով ներկա իրողությունները՝ «Վերածնվող Արցախ» շարժումը եւ «Արցախ-Հայաստան-Սփյուռք» միավորումը շարունակում են իրենց աշխատանքները ֆորս-մաժորի պայմաններում՝ իրավական, մարդասիրական եւ լրատվական ուղղություններում, հիմք ընդունելով Եվրոպական Խորհրդարանի 04.10.2023թ. «Ադրբեջանի հարձակումից հետո Լեռնային Ղարաբաղում իրավիճակի եւ Հայաստանի հասցեին շարունակվող սպառնալիքների վերաբերյալ Եվրոպական խորհրդարանի բանաձեւի ընդունման առաջարկ»-ը (2023/2879(RSP):

Արցախի Հանրապետության բնակիչների իրավունքները պաշտպանելու նպատակով նախապատրաստվում է միասնական հայց՝ Ադրբեջանի Հանրապետության կողմից Արցախի Հանրապետության բնակիչների բռնի տեղահանման, Արցախի տարածաշրջանի բռնազավթման, մասնավոր սեփականության, ժառանգական իրավունքի, աշխատանքի, գործունեության, կյանքի եւ ազատ տեղաշարժի իրավունքների արգելափակման դեմ։

Այս թեմայով Ղարաբաղի շարժումը ճակատագրական սխալ է եղել մեզ համար. Փաշինյան Ստեփանակերտի պատմական թաղամասը եւս ոչնչացվել է. Ահազանգում է նախկին պատգամավորը Ձեզ կհիշեն երկիր վաճառած, իսկ նա հիշվելու է որպես Ամենայն Հայոց Կաթողիկոս՝ իր գործերով ու ներդրումներով՝ ի փառս Հայաստան ու Արցախ աշխարհների Որքանով է վտանգավոր գերմանիայում վերածնվող «չորրորդ ռեյխի» գաղափարը Հայտնի է, թե ինչու է արգելվել Լապշինի մուտքը ՀՀ