Չենք կարող ապրել՝ տեսնելով ադրբեջանական բանակի շքերթը Վերածննդի հրապարակում. Ղազարյան

Սահմանադրական դատարանի աշխատակազմի նախկին ղեկավար, Լեհաստանում ՀՀ նախկին դեսպան ԷԴԳԱՐ ՂԱԶԱՐՅԱՆԸ մարդկանց կոչ է անում չապավինել ոչ մեկի` ո՛չ մի բեւեռի, ո՛չ մի քաղաքական ուժի, դուրս գալ փողոց եւ կասեցնել այս աղետաբեր ընթացքը` հեռացնելով Նիկոլ Փաշինյանի իշխանությանը: Ըստ նրա` ստեղծված իրավիճակի միակ մեղավորը հենց նա է` իր իշխանավորներով:

— Մենք, որ տեսել ենք Պաշտպանության բանակի փառահեղ շքերթը Վերածննդի հրապարակում, չենք կարող ապրել` տեսնելով ադրբեջանական բանակի շքերթը նույն հրապարակում: Չենք կարող հանդուրժել այն միակ պատասխանատուին եւ մեղավորին, որը հայրենիքի գող է: Դեռ անցյալ տարի նոյեմբերի 9-ին Ստեփանակերտում կյանք կար, խանութներում դեռ մթերք կար, տներում հոսանք կար: Հայրենիքի գողին ընդամենը մեկ տարի պահանջվեց, որպեսզի Ստեփանակերտը պատրաստի, վարագույրները կախի, գորգերը փռած, Արցախի դրոշը վրան դրած` դնի Ալիեւի ոտքերի տակ: Ընդամենը մեկ տարի նրանից պահանջվեց` հոկտեմբերի 6-ին, Պրահայում հայտարարությունը ստորագրելուց հետո, մեր դրոշը Ստեփանակերտում, թշնամու ոտքերի առաջ փռելու համար: Այս տարի հոկտեմբերի 5-ին էլ նա ստորագրեց Գրանադայի հայտարարությունը: Ուստի` հետագա աղետաբեր ընթացքը կանխելու միակ տարբերակը բոլորի միասնական պայքարն է` ՀՀ իշխանության դեմ, քանի որ արցախցիների ճակատագիրը այժմ սպասվում է ողջ հայ ժողովրդին:

Այս թեմայով Գնալդ լի նի, գալդ չլինի. ԸՆԿԵՐ ՓԱՆՋՈՒՆԻ «Հրապարակ»․ Պաշտպանության նախկին փոխնախարարին մեղադրանք է առաջադրվել Աշխատողը ճորտ չէ, ստրուկ չէ, աշխատավորի օրը պարզապես օրացուցային տոն չէ. Հայտնի իրավապաշտպանը մայիս 1-յան տոնի մասին ՍԻՄ XXVIII համագումար. 37 տարի հայ ժողովրդի շահերի պաշտպանության ճակատում Հաղթանակի շանսեր ունեցող ուժին կարող է ընդհանրապես չթողնեն մասնակցել  ընտրություններին. Երջանիկ Ղազարյան