Մայրերը, որոնց զավակները արցախի հողում են, պիտի ապրեն այնտեղ, նրանց հակառակում համոզելն անհնար է. Հակոբյան

Անդրադառնալով Արցախում տեղի ունեցածին եւ արցախցիների ներկա իրավիճակին` Արցախի Ազգային ժողովի «Արդարություն» խմբակցության պատգամավոր ՄԵՏԱՔՍԵ ՀԱԿՈԲՅԱՆՆ ասաց, որ դժվար է նկարագրել անցած 9 ամիսները` չնայած հիմա այդ անցյալը երանելի է թվում:

— Հիմա կերազեինք լինել մեր տանը` կիսասոված: Երբ մի կտոր հաց էինք կարողանում հայթայթել եւ կիսել իրար մեջ, դա արդեն իսկ երջանկության զգացում էր: Միշտ իրար տեսնելիս ասում էինք` կարեւորը, թեկուզ հարաբերական, բայց խաղաղ է, կարեւորը` նոր զոհ չունենք, որ մեր տանն ենք: Արցախում մենք միայն տուն չենք թողել, մեր տների մեջ թողել ենք մեր սիրտն ու հոգին, մեր կյանքը, մեր նախնյաց հիշատակը: Ես շփվում եմ բազմաթիվ մայրերի հետ, որոնք Արցախում իրենց երեխաների շիրիմներն են թողել: Այդ մայրերը ապրում են մի նպատակով` հետ գնալ իրենց որդու շիրիմի մոտ: Հիմա 120 հազարից ավելի արցախցի կա այստեղ, գումարած եւս 40-50 հազար` 2020 թվականից հետո այստեղ ապրողները: Չկա մեկը, որ հարազատի չի թողել Արցախի հողում: Շատ հեշտ են ասում` հարմարվեք, ապրեք, ինտեգրվեք: Այո՛, սա մեր մայր հայրենիքն է, բայց դու պիտի ապրես այնտեղ, որտեղ քո հարազատների շիրիմներն են, այն մայրերը, որոնց զավակները Արցախի հողում են, պիտի ապրեն այնտեղ: Ու նրանց հակառակում համոզելն անհնար է:

Այս թեմայով ՔՊ նախընտրական ցուցակում հայտնվելու են հայտնի նախկին-ներկաներ. ԲԱՄԲԱՍԱՆՔ Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել Բաքվի դատարանում շարունակվում է կեղծ դատավարությունը Բարձրագույն կրթություն չունենալը պատճառ չէ, որ պատգամավոր չլինեմ, վարչությունը կորոշի․ ՔՊ պատգամավոր Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ