Եթե գեներալ Միքայել Արզումանյանը ՀՀ քաղաքացի չէ, ինչո՞ւ են նրան այստեղ դատում. Հայրյան

ՀՀ աշխատանքի եւ սոցիալական հարցերի նախարարության շենքի դիմաց երեկ տեղի ունեցած բողոքի ակցիայի ժամանակ Մեծ Թաղերի նախկին գյուղապետ, Արցախի նախկին պատգամավոր, «Հանուն Հադրութի» ՀԿ նախագահ ԼԵՎՈՆ ՀԱՅՐՅԱՆՆ ասաց, որ ՀՀ կառավարությունը պարտավոր է արցախցիների կորցրած բնակարանները փոխհատուցել, որովհետեւ իրենք ՀՀ քաղաքացի են,  Հայաստանի կառավարությունն էլ իր բնակչի ունեցվածքի երաշխավորն է:

— Հայաստանի կառավարությունը որոշել է հայտարարել` արցախցիները Հայաստանի քաղաքացի չեն, որպեսզի բնակարաններով չապահովեն: Բայց երեք տարի է` ամեն օր ասել եմ` մեզ փախստականի կարգավիճակ տվեք,  ասել են` չենք տալիս, դուք Հայաստանի քաղաքացի եք: Հիմա եկել է պահը, որ պետք է մտածեն բնակարաններով ապահովելու մասին, ուզում են ջնջել մեր իրավունքները, ասում են` քաղաքացի չեք: Ենթադրենք արցախցին Հայաստանի քաղաքացի չէ, այդ դեպքում` ինչպե՞ս է ստացվում, որ Հայաստանում գեներալ Միքայել Արզումանյանը կամ այլ սպաներ դատվում են, քննվում են: Եթե իրենք Հայաստանի քաղաքացի չեն, ինչո՞ւ եք նրանց այստեղ դատում: Եթե Ղարաբաղը  Հայաստան չէ, դուք էլ այնտեղից քաղաքացի եք բերել ու դատում, ուրեմն` միջազգային օրենքներ են խախտում:

Այս թեմայով Ինչ նոտարական փաստաթուղթ է իրականում ստորագրել Հարությունյանը Բաքվի բանտում Ընտրապայքարի են դուրս եկել ներկա եւ նախկին համայնքապետերը ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ․ Արմավիր ՔԿՀ-ի բանտախցում կտրուկ վատացել է Արթուր Վարդանյանի առողջական վիճակը կտրուկ վատացել է «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին