Հայաստանի կարատեի միության նոր աջակիցն է Կարեն Մարգարյանը

Կարատեի տարբեր վարկածների Աշխարհի եւ Եվրոպայի առաջնություններում Հայաստանի կարատեի միությունը տարիներ շարունակ մեր երկիրը ներկայացրել է՝ բարձր նվաճումներ ու հաղթանակներ գրանցելով։ Նոյեմբերի 10-12-ը միությունը պատրաստվում է մասնակցել Կիպրոսում կայանալիք Աշխարհի կոնտինենտալ գավաթին։ Կարեն Մարգարյանը պատրաստակամություն է հայտնել աջակցել միությանը՝ ինչպես այս, այնպես էլ՝ հետագա մրցումներին։

«Հայաստանի կարատեի միությունը աշխարհի տարբեր երկրներում մշտապես լուրջ մրցաշարերի է մասնակցում եւ պատվով է ներկայացնում Հայաստանը։ Միության  մարզիկները շատ պատրաստված են, այդ իսկ պատճառով որոշեցի աջակից լինել, որպեսզի այսուհետ հաղթանակներն առավել շատ լինեն։ Ուրախ եմ, որ կարող եմ լինել նման լուրջ կառույցի կողքին, ինչ-որ ձեւ աջակցել եւ օգնել միության հետագա զարգացմանը։ Առավելեւս, որ այդ կառուցի հիմնադիրն է իմ ընկեր, աշխարհի բազմակի չեմպիոն Կամո Ունանյանը»,- մեզ հետ զրույցում ասաց Կարեն Մարգարյանը։

Խոսելով Հայաստանի կարատեի միության հետ առաջիկա համատեղ աշխատանքների մասին՝ նա վստահեցրեց. «Հաջորդ տարվա հետ կապված բավականին մեծ պլաններ կան, սակայն կառանձնացնեմ մեկը: Հայաստանի կարատեի միության հավաքականը կմասնակցի տարբեր վարկածներով Աշխարհի եւ Եվրոպայի առաջնություններին։ Իմ կողմից հնարավորինս ամեն ինչ կանեմ, որ միությունը մասնակցի մեծ կազմով»,- ընդգծեց Կարեն Մարգարյանը։

«Ուրախ եմ, որ այս օրերին կան նման մարդիկ, ովքեր ուզում են ինչ-որ կերպ աջակցել այս սպորտաձեւին։ Կարենը իմ վաղեմի ընկերն է, անկախ ամեն ինչից, յուրաքանչյուր մարդ, անհատ, ով ուզում է աջակցել սպորտին՝ միայն գովելի է, քանի որ այս դժվարին ժամանակներում մենք կարող ենք մասնակցել եւ տարբեր երկրներում բարձր պահել մեր երկրի պատիվը՝ ծածանելով Հայոց եռագույնը»,- ասաց Հայաստանի կարատեի միության հիմնադիր, սպորտային կարատեի աշխարհի եւ Եվրոպայի չեմպիոն Կամո Ունանյանը։

Այս թեմայով Ռուսաստանը կարող է սրել իր հիբրիդային առճակատումը Եվրոպայի հետ Փաշինյանը վերջնականապես Հայաստանը դարձրեց Ռուսաստանի եւ Եվրոպայի համար մարտադաշտ 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան ԱՄՆ-ի և Եվրոպայի անվերապահ բարեկամության դարաշրջանը ավարտվել է. Մերց Ռուսաստանի հարձակումները Եվրոպայի վրա գնալով ավելի հանդուգն և վտանգավոր են դառնում. Bloomberg