Մենք ո՞ւմ ենք «չաղացնում» մեր Հայրենիքում. Ալլա Հակոբյան

Հայե՛ր ջան, նույն օրը, երբ իմանում եմ, որ Արցախի մեր հայրենակիցներին հայտարարում են, թե նրանք «ՀՀ քաղաքացի չեն», ստանում եմ գովազդ, որում ասվում է, որ 6 ամսում կօգնեն ստանալ ՀՀ քաղաքացիություն՝ առանց լեզու իմանալու: Ընդ որում՝ գովազդում ասվում է, որ Հայաստանում ՏՏ մասնագետների համար ԱԱՀ (НДС) եւ եկամտահարկը 0% է: Զրո՛ տոկոս: Ուրեմն, պիտի գան՝ թեպետ, արդեն՛ իսկ եկել են, օգտվում են մեր ինֆրաստրուկտուրայից, մեր տրանսպորտից, մեր աստվածային օդ ու ջրից, բայց ազատվում են հարկ վճարելուց... Իսկ հայը՝ իր մի փոքրիկ վաճառքի կետում՝ Սուրմալու, Փեթակ, Մալաթիա եւ Հայաստանի ցանկացած այլ վայրում պարտավոր է հարկեր մուծել եւ կտրոն տպել... Մենք ո՞ւմ ենք «չաղացնում» մեր Հայրենիքում...

Եկատերինա Երկրորդը հայերին ազատել էր հարկերից, որպեսզի նրանք հարստանան եւ պատերազմի ժամանակ՝ պաշտպանելով սեփական ունեցվածքը՝ պաշտպանեն նաեւ իր Իմպերիան... Էս կարմիր-կապույտ-կանաչ մազերով ու наколкa-ներով այթիշնիկները (ՏՏ մասնագետները) պիտի հա՛մ փող աշխատեն մեզ մոտ, հա՛մ էլ իրենց արտաքին տեսքով բացասական ազդեցություն ունենան մեր երիտասարդների վրա: Ուրիշ երկրներում քաղաքացիություն ստանալու համար մարդիկ տարիներով են սպասում, քննություներ են հանձնում, իսկ Հայաստանը սարքում են проходной вокзал, որ ով ուզի գա եւ ավելի բարձր արտոնություններ ունենա, քան բնիկ տեղացիները... Ով ուզում է, բայց ո՛չ արցախցին, ով հազարամյակներ այս երկրի տերն է...

Ցասումս անսահման է նաեւ այն պատճառով, որ բռնի տեղահանված եւ էթնիկ զտումների հետեւանքով իրենց տունն ու տեղը թողած արցախահայությանը այդպիսին չեն համարում, եւ՝ օ՜, զարմանք, նրանց համար նախատեսված 50 000-ը պանսիոնատներում ապրողների քարտերից անմիջապես ետ է գանձվելու՝ հավանաբար (չգիտեմ) պանսիոնատների տերերի հաշիվների վրա... Այսինքն, այդ ողորմելի 50 հազարն էլ մարդիկ չեն ստանալու... Դե, միանգամից, միլիոնավոր Ամերիկայի հնդիկների պես, ոչնչացրեք, մնացածներին էլ տեղավորեք ռեզերվացիաներում... Չէ որ, դա՛ է ձեր սիրելի Էրդողանի եւ Իլհամի երազանքը, ում հետ խաղաղություն եք մտադիր կնքել... Խաղաղություն թուրքի հետ, ով մինչ օրս ոչ միայն ցեղասպանությունը չի ընդունել եւ մեղա չի եկել, այլ նույն ցեղասպանությունն է իրականացնում՝ արդեն մեր օրերում... Ավելին, արդեն ի՛նքն է կոնտրիբուցիա՝ ռազմատուգանք, պահանջում...

Գրող, հրապարկախոս

ԱԼԼԱ ՀԱԿՈԲՅԱՆ

Հ.Գ.- Գովազդից՝ НДС и налог на прибыль — 0 % для IT-специалистов

Получите гражданство Армении в срок до 6 месяцев.

Воспользуйтесь самым быстрым и простым способом оформить паспорт Армении с правом сохранения гражданства родной страны.

Упрощённая программа получения гражданства Армении позволяет иммигрировать в государство и быстро адаптироваться без языкового барьера.

Այս թեմայով ՄԱՀԱՑԵԼ Է ԵՐԳՉՈՒՀԻ ԱԼԼԱ ԼԵՎՈՆՅԱՆԻ ՀԱՅՐԸ ՔՊ նախընտրական ցուցակում հայտնվելու են հայտնի նախկին-ներկաներ. ԲԱՄԲԱՍԱՆՔ Միհրան Հակոբյանին ծեծած տղամարդիկ «Թոխմախի Մհերի» դստեր մեքենայով տեղափոխվել են Սեդրակյանի գազալցակայան. բացառիկ մանրամասներ Լեւոն Թոքմանջյանը քանդակել է այնպես, ինչպես տեսել է. Աննա Հակոբյան Անձամբ Նիկոլի հանձնարարականը ի կատար է ածել հայտնի քրեաօլիգարխիկ համակարգերից մեկը. Միհրան Հակոբյան