Ադրբեջանը որքա՞ն իքս տարածք պետք է օկուպացնի, որից հետո ԱՄՆ-ի կողմից խոստացված հետեւանքները լինեն. Պողոսյան

Լեմկինի անվան ցեղասպանությունների կանխարգելման ինստիտուտը տագնապի կարմիր աստիճանի ազդանշան է տվել` զգուշացնելով, որ մեծ է առաջիկա օրերին կամ շաբաթներին Ադրբեջանի կողմից Հայաստան ներխուժելու վտանգը: Այս առումով չափազանց կարեւորվել է հայ-ռուսական հարաբերությունների հեռանկարը, մանավանդ Նիկոլ Փաշինյանի հնչեցրած այն ուղերձների ֆոնին, թե Հայաստանում ռուսական ռազմաբազայի ներկայությունը որոշ իմաստով կասկածելի է, եւ Հայաստանի արտաքին քաղաքական վեկտորը վերանայման անհրաժեշտություն ունի` պայմանավորված Արցախի շրջափակման եւ հայաթափման նկատմամբ Ռուսաստանի վերաբերմունքով: Անդրադառնալով վերոնշյալին` «Մարդկային զարգացման միջազգային կենտրոնի» ղեկավար Թեւան Պողոսյանը տվեց «կուժ քեզ ասեմ, կուլա դու հասկացիր» տրամաբանությամբ պատասխան:

— Եթե ցանկանում ես, որ որեւէ անձ կամ երկիր քեզ որեւէ ձեւ վերաբերվի, ինքդ ես ամբողջովին կրում պատասխանատվությունը, թե ինչ արդյունքի կհասնես: Եթե մարդուն արհամարհես, ուշ թե շուտ դու էլ կարհամարհվես, եթե սիրես, եւ ինքը երկար տարիներ դա զգա, գուցե ինքն էլ կփոխի վերաբերմունքը: Նույնը միջազգային հարաբերություններում է: Ցանկացած երկրի հարաբերությունները Հայաստանի հետ պայմանավորված են այդ երկրի շահերով: Շահերը համընկել են, որ Հայաստանի հետ լինեն դաշնակի՞ց, ստորագրվել են պայմանագրեր, եղել է հատուկ վարքագիծ եւ այլն: Այն րոպեին, երբ շահերն այլեւս չեն համընկնում, դրսեւորվել է համապատասխան վարքագիծ: ԱՄն պետքարտուղարությունն ասում է, որ եթե Հայաստանի տարածքային ամբողջականությունը որեւէ մեկը խախտի, ունենալու է հետեւանքներ: Աշխարհի ամենահզոր երկիրը, որի արբանյակները երեւի Հայաստանի վերեւում կախված են, կարծես թե, շատ լավ գիտի, որ արդեն այսօրվա դրությամբ խախտվել է Հայաստանի տարածքային ամբողջականությունը, օկուպացված է: Հիմա իրենք կարո՞ղ են ասել, թե Ադրբեջանը որքա՞ն իքս տարածք պետք է օկուպացնի, որից հետո ԱՄՆ-ի կողմից խոստացված հետեւանքները լինեն: Թե՞ դրանք միայն խոսքեր են: Ես սա ասում եմ երեւույթները ճիշտ գնահատելու համար: Ի՞նչն է փոխվել հայ-ռուսական հարաբերություններում, որ նեղվում ենք, դուրներս չի գալիս: Գործընթացները մեր աչքի առջեւ էին: Հարցազրույցներում Նիկոլ Փաշինյանն ասել է, որ ռուսական ռազմաբազայի գտնվելը Հայաստանում մեծ վտանգ է, եթե մենք Ռուսաստանի հետ անենք զինավարժություններ, Ադրբեջանը ընկալելու է որպես սպառնալիք, մենք հիմա հրավիրելու ենք ԵՄ դիտորդներին: Ձեզ ի՞նչ է թվում, այդքան բաներ ասելուց հետո, մյուս կողմը ի՞նչ է լսում: Պետք է հիշեք մի բան. ինչ ասում եք, երբեւէ չի նշանակում, թե դիմացինը հենց դա է լսել: Յուրաքանչյուրն իր ձեւով է լսելու եւ հասկանալու է այն, ինչ իրեն պետք է: Եթե ես ցանկանում եմ, որ մարդիկ լսեն այն, ինչ ես եմ ասում, դրա պատասխանատվությունը ինքս եմ կրում: Պետք է գտնել ճիշտ բառապաշար, ճիշտ  վարքագիծ, ճիշտ գործողություններ, որ դիմացինները հասկանան այնպես, ինչպես ինձ է պետք: Գործողությունները, բոլոր հայտարարությունները պետք է այնպիսին լինեն, որ դիմացինին հասկանալի լինի: Եվ եթե դա չես անում, ուրիշին մի մեղադրիր:

Այս թեմայով Ժողովուրդը դուրս է գալու փողոց, երբ հունիսի 8-ին էլի պարզվի, որ սխալ ճանապարհով էին գնացել. Պողոսյան Իմանանք էլի՝ ով ով է. ԶԱՐՄԱՆՔ 27 տարեկան հասակում դարձավ երաժշտական դպրոցի հիմնադիր տնօրենը և իմ կյանքում բացառիկ դերակատարում ունեցավ. Հայտնի իրավապաշտպանի ուշագրավ գրառումը Չեխովյան փոքր պաշտոնյայի մեծ ողբերգությունն «Արմմոնո-24»-ում Ծանրամարտի ԵԱ. Էմմա Պողոսյանը` ոսկե մեդալակիր(տեսանյութ)